Vdekja e Davide Astorit shkaktoi shok në futbollin italian, ku federata ndërpreu ndeshjet në shenjë respekti dhe natyrisht me klubin e Fiorentinës u solidarizuan sportdashsit në mbarë botën. Madje UEFA dha urdhër që të mbahet një minutë hestje në të gjitha ndeshjet e Champions League dhe Europa League këtë javë. Por kulmi ka mbërritur sot pasdite, ku klubi I Fiorentinës ka nënshkruar kontratën e rinovimit me futbollistin, edhe pse ai vdiq dje. Mësohet se Davide Astori duhet të paraqitej sot në zyrat e klubit, për të nënshkruar kontratën e re me Fiorentinën, ashtu siç ishte rënë dakord, por humbi jetën dje në orët e para të mëngjesit.
Gjithsesi, klubi violë bëri një gjest për t’u vlerësuar, pasi konfirmoi se kontrata mes Fiorentinës dhe Astorit, që ishte bërë gati më herët, do të nënshkruhet edhe pas vdekjes së qendër-mbrojtësit. Do të jenë familjarët e Astorit ata që do të nënshkruajnë dhe do të marrin edhe rrogën që do të përfitonte futbollisti, nëse do të ishte ende gjallë. Ky gjest mirënjohjeje i klubit vjollcë, u përshëndet nga shumë njerëz, mes tyre edhe Kreu i Shoqatës së Futbollit. Astori ishte 31 vjec dhe la pas një fëmijë të vogël dy vjec, si dhe pikëllimin e të afërmve, miqve dhe shokëve të tij të skuadrës. Gjesti i bërë nga Fiorentina mori duartrokitjet e sportdashësve në mbarë botën. /Pamfleti.com
