Plagosja me armë zjarri në Kavajë një ditë më parë, vijon të jetë në qendër të vëmendjes ku nuk kanë munguar edhe reagimet politike.
Por këtë të martë janë zbardhur edhe pjesë të dëshmisë të personit të plagosur Bledar Okshtuni i cili është edhe sekretari i Partisë Demokratike në Kavajë, Bledar Okshtuni.
“Jonuzi me ka ofenduar, u konfliktuam fillimisht fizikisht e pastaj ai nxori armën. Sherri ka nisur për parkimin e makinës”, ka deklaruar Okshtuni.
Por deklarata e tij nxjerr blof Bashën dhe Metën, që u ngritën me natë dhe shkuan në Kavajë për tu bërë thirrje shqiptarëve se ngjarja është e nxitur politikisht e duke akuzuar qeverinë dhe kryeministrin Edi Rama se kanë bërë atentat politik.
Madje presidenti Meta mbrëmjen e të hënës në Kavajë, pikërisht nga zyrat e PD kërcënoi se kjo ngjarje nuk zgjidhet dhe nëse do të ndodhin përsëri, atëherë presidenti problematik dhe populli problematik i 2 marsit do të ngrihet dhe Rama duhet të gjej vend dhe të futet.
Ndërsa mëngjesin e kësaj të marte edhe autori i kësaj ngjarje (është në kërkim) përmes një video mesazhi, thotë se ngjarja nuk është politike.
Ndriçim Jonuzi i ka bërë thirrje edhe Bashës që të pyes përpara se të flasë. Autori Jonuzi është shprehur se është mbështetës i PD dhe se ngjarja nuk ka lidhje me politikën.
