Arrestimin e djalit të deputetit Rrahman Rraja e ka përshëndetur edhe kreu i grupit parlamentar të PS-së, Taulant Balla, i akuzuar nga oficeri Emiljano Nuhu për ndikim tek strukturat e policisë së Fushë Krujës lidhur me denoncimin për përdhunim në ngarkim të Rexhep Rrajës.
Në një reagim në fb, Balla thotë se “përpara ligjit ne jemi të gjithë të barabartë përveç Saliut, Lulit dhe atyre që i shpëtuan prokurorisë, fale Saliut dhe Lulit që nuk i zbatonin urdhërat e organit të akuzës.
Barazia para ligjit për ne nuk është sllogan po parim themelor në fjalën tonë, në reformat dhe qendrimet tona”.
Balla thekson se “ndalimi i djalit të deputetit na ndan qartë edhe njëherë nga ata që kemi përballë. Sepse jo vetem nuk e pengojmë prokurorinë dhe as protestojmë kundër saj, po e mbêshtesim plotësisht”.
Deputeti socialist inkurajon drejtësinë të thotë fjalën e saj deri në fund dhe shpreson shumë që edhe autorët dhe heroi i Babale dyshit të marrin atë që ju takon nga organi i akuzës.
