Zëvendëskryeministrja dhe ministrja e Energjisë, Belinda Balluku, zhvilloi takim në Athinë me kryeministrin grek, Kyriakos Micotaqis, në kuadër të forumit Partneriteti për Bashkëpunim Transatlantik në Energji (P-TEC), organizuar nën kujdesin e Departamentit Amerikan të Energjisë, qeverisë greke dhe Qendrës Globale të Energjisë në Këshillin Atlantik.
Në hapje foli kryeministri Micotaqis, ndërsa morën pjesë Sekretari amerikan i Energjisë, Chris Wright dhe ministra energjie nga vendet e Europës Qendrore e Lindore. Në qendër të diskutimeve ishin siguria dhe diversifikimi i burimeve, ulja e varësisë nga gazi rus dhe bashkëpunimi rajonal për korridore të reja furnizimi, infrastrukturë dhe investime të përbashkëta.
Balluku theksoi se Shqipëria mbetet e përkushtuar të kontribuojë në nismat për një të ardhme energjetike më të sigurt dhe të qëndrueshme.
