Lotët e hedhura prej tij dhe dorëheqja nga posti i kryeministrit i Ramushit nuk janë në funksion të lehtësimit të akuzave, pasi nëse është i fajshëm Haga do ta prangosë, nëse është i pafajshëm sikurse ka dalë dy herë e tjera, do të jetë i lirë për t’u kthyer në Kosovë.
E gjithë loja tjetër aktoriale e Ramush Haradinajt është në funksion të zgjedhjeve të parakohëshme për partinë e tij, për të marrë votat e duhura përmes paraqitjes si hero, burrë shteti që respekton kodin moral të politikës dhe faktit që shkon vetë në Hagë.
Duke shtuar dhe paraqitjen si viktimë e konspiracioneve ballkanike dhe më gjërë që kanë lidhje me kundërshtinë e tij për ndarjen e Kosovës apo për vënien e taksës 100% për Serbinë, të gjitha sëbashku janë një “aset” në fushatën elektorale, nëse shqiptarët e Kosovës e ‘hanë’ sërish këtë film që përsëritet.
Ajo që na bën përshtypje është kakofonia e zërave dhe artikulimi i liderëve politikë të Tiranës londineze, në një garë të ethshme për të thënë se sa hero dhe burrë shteti është Haradinaj, pse nuk e njdek dhe kryeministri Rama rrugën e tij pavarësisht pangjashmërisë së rastit, e deklarata të tjera të këtij lloji.
Ama kur dëgjon deklaratat e dhëna nga Sali Berisha dhe Lulzim Basha, të vjen të vësh duart në kokë dhe të zhdukesh nga sytë këmbët, pasi hipokrizia jo vetëm fiton status, por ngrihet dhe në institucion, pasi vetëm këta dy persona ditën e sotme duhej të kishin heshtur. Do të thoni pse?
Ua themi ne, qartë, saktë, thjeshtë, bukur, pa asnjë zbukurim, shtesë apo rezervë.
Basha shkruan në rrjetin social se “Dorëheqja e kryeministrit Ramush Haradinaj është akti i një njeriu që ve Atdheun mbi gjithçka. Ramushi i ka shërbyer gjithmonë me vetëmohim Kosovës, në ditë të mira dhe në ditë të këqija. Ramush Haradinaj është Kosova – Kosova e lirë, Kosova e pavarur, Kosova europiane.
Askush dhe asgjë nuk e përdhos dot luftën çlirimtare të Kosovës dhe sakrificën sublime të familjes Haradinaj në altarin e lirisë! Ramush Haradinaj dha sot dorëheqje nga posti i kryeministrit të Kosovës, pasi është ftuar në cilësinë e të dyshuarit nga Gjykata Speciale”.
Por është pikërisht Lulzim Basha, njeriu që ka kopsitur dosjen për krime lufte për të gjithë ish-komandantët e UÇK-së, duke filluar nga Presidenti aktual Hashim Thaçi, vijuar me kryeministrin e dorëhequr Ramush Haradinaj e deri te Fatmir Limaj e ish-luftëtarët e tjerë për lirinë e Kosovës.
Teksa ka qënë me misionin faktmbledhës për krimet e luftës në Kosovë, Lulzim Basha bashkë me Argita Berisha Malltezin, hynë më “thellë” se sa kërkohej dhe punuan për hesap të serbëve duke mbushur dosjen dhe me “krimet” e ish-komandantëve të UÇK-së dhe duke dërguar njërën dosje në Hajdë, ndërsa kopjen tjetër të saj në Beograd.
Madje Basha me Argitën i shitën dhe filmimet për masakrën serbe të Krushës në Kosovë ku u vranë 240 burra, gra dhë fëmijë, kasetë e cila po të kishte rënë në dorë të gjykatës së Hagës, sot situata do të ishte krejt ndryshe.
Ka qënë Milaim Bellanica ai ka rrëfyer në një dokumentar ngjarjet e asaj dite dhe zbulon të vërtetat e xhirimit 45-minutësh të filmuar nga vetë ai, që shumë pak janë parë nga publiku.
Pak raste gjyqësore ka pasur për këtë masakër të madhe të harruar dhe më e keqja është se provat kryesore të këtij filmimi i ranë në duar Lulzim Bashës, thuhet në Kosovë me zë të ulët.
Bellanica rrëfen se xhirimet, qe tregonin masakrën e Krushës së Madhe u zhdukën nga Lulzim Basha, që asokohe ishte përkthyes për Tribunalin e Hagës.
Basha i shiti dhe bashkë me Argitën u kthyen në Shqipëri me milionin e parë të eurove.
Dhe aq shumë vlerësohet nga serbët kontributi i Lulzim Bashës në favor të tyre sa prokurorja serbe Stanojkoviç e falenderon ish- përkthyesin Lulzim Basha për dosjen “Shtëpia e verdhë”.
Stanojkoviç për gazetën “Politika” para disa kohësh ka thënë se edhe lënda e trafikimit me organet e njeriut, e njohur si “shtëpia e verdhë” ende dhe më tej është aktive. Por po pritet për fillimin e punës së Gjykatës Speciale.
Pra, pikërisht Basha që përdhosi luftën e Kosovës dhe të komandantëve të saj, duke i dërguar të gjithë në Hagë për krime lufte, sot duhet të ndjehet “krenar” për maskarallëkun që ka bërë duke e dërguar Ramush Haradinajn për të tretën herë në Tribunal.
Po ashtu “krenare” duhet të ndjehet dhe Argita Berisha Malltezi për dërgimin para gjykatës së Hagës të kryeministrit të Kosovës, pavarësisht teorive të konspiracionit që hedh në rrjetin social, babai i saj ish kryeministër, që tërë jetën ka qënë në shërbim të Serbisë dhe dhëndër shembullor./Pamfleti/
