Ben Blushi, drejtori i përgjithsëm i Top Channel dhe Sonila Meço, ish- drejtuese e Agon Channel, pronë e Francesko Becchetit, janë parë sot bashkë në Londër në “Four Seasons”, duke pirë kafe.
Meço është parë herë pas here kohët e fundit në Londër, ku takon ish- pronarin e saj, ndërsa u përfol shkuarja e saj në Top Channel, pas ikjes së Sokol Ballës.
Shumë zëra flasin se pas ndryshimeve në Top Channel qëndrojnë garanci financiare të Becchetit, por kjo nuk është ende e konfirmuar.
Në vitin 2004 Becceti dhe Blushi firmosnin për biznesin e plerave. Në atë kohë, një marrëveshje koncesionare nëpërmjet qeverisë shqiptare dhe një kompanie italiane ishte në diskutim për t’u miratuar.
Kjo marrëveshje parashikonte ndërtimin e një impianti djegieje në Kashar të Tiranës dhe do të digjte mbetje për qytetin e Tiranës dhe Durrësit. Do t’i digjte këto mbetje rifuxho, pa i ndarë.
E vetmja indicie që të çon aty, është gazetarja Sonila Meço, e cila vazhdon të jetë në kontakte me ish- pronarin e saj dhe ka një premtim për të filluar në Top Channel në një kohë të dytë.
Beccheti ka pas shpresa të fitonte dy gjyqe të rëndësishme ndaj Shqipërisë, por ai ka humbur fazën e parë të tyre.
Kjo ndoshta mund të lëkundë planet e tij për biznese të tjera në Shqipëri, por jo në media.
