Një mjet borëpastrues në rrugën e Arbrit ka shkaktuar një aksident të trefishtë.
Teksa po pastronte dëborën në afërsi të tunelit të Murrizit në anën e Klosit, mjeti borëpastrues goditi një automjet tip Volkswagen që lëvizte në drejtim të Tiranës, i cili më pas u përplas edhe me dy automjete të tjera.
Si pasojë e përplasjes janë lënduar disa persona, ndërsa drejtuesi i mjetit Volkswagen u dërgua në spital për ndihmë të specializuar.
Policia ndodhet në vendin e ngjarjes për zbardhjen e plotë të rrethanave.
