Të gjithë ekselentët që kanë zgjedhur mësuesinë, jo vetëm nuk do të paguajnë tarifë studimi, por do marrin edhe një bursë rreth 1000 USD në vit.
Gjatë fjalës së saj në një takim me studentët ekselentë të mësuesisë, Ministrja Nikolla tha se mbi 3000 studentë me mesataren mbi 7 që tashmë studiojnë mësuesi, janë garancia për të patur cilësi nesër, në sistemin arsimor në vend.
“Sot ne kemi 3672 studentë në mësuesi, jo pak, por 100 përqind e tyre kanë një notë mesatare mbi 7. Ky është një tregues i fortë për të pasur një cilësi të re në institucionet që përgatisin mësues. Kjo është një garanci për të patur cilësi, për të formuar më mirë qytetarë të Shqipërisë Europiane”, tha Nikolla.
Ministrja përmendi gjithashtu reformën në të cilën është përfshirë sistemi arsimor, që nga cilësia e teksteve prestigjoze ndërkombëtarë deri te trajnimet dhe kualifikimet e mësuesve të zgjedhur përmes meritës.
