Kryeministri Edi Rama nuk ka braktisur zyrën e tij duke u treguar “sy patrembur” përballë militantëve të Partisë Demokratike të cilët kanë rrethuar Kryeministrine.
Godina e Kryeministrisë është e rrethuar nga një kordon sigurie, pasi aty do të jetë pikërisht vendi ku do të kulmojë protesta e sotme. Janë mbi 1500 efektivë policie, Forcat e Ndërhyrjes së Shpejtë dhe autobotet me ujë janë në gatishmëri të plotë për të zbatuar ligjin nëse militantët e PD-së tregohen të dhunshëm.
Nga ana tjetër, Policia e Shtetit ka bërë një plan masash dhe ka lajmëruar se qarkullimi do të bllokohet në rrugët: Bulevardi “Dëshmorët e Kombit”, sheshi “Nënë Tereza”, rruga “Ismail Qemali”, nga kryqëzimi i Rrugës së Elbasanit me rrugën “Ibrahim Rugova”, rruga “Papa Gjon Pali II”, bulevardi “Zhan D’Ark” dhe bulevardi “Bajram Curri”, nga kryqëzimi i Rrugës së Elbasanit me rrugën “Ibrahim Rugova”.
