Operacioni i policisë për kapjen e të shumëkërkuarit Klemend Balili ka dështuar. Ende nuk dihet nëse Balili ka arritur që t’i shpëtojë policisë apo informacioni i dhënë për vendndoshjen e tij ka qënë i gabuar.
Ditën e djeshme, Forcat e Ndërhyrjes së Shpejtë dhe reparti RENEA kanë zbarkuar në fshatin Stjar në Sarandë, ku dyshohej se fshihet i ashtëquajturi “Escobari i Ballkanit”. Ka qenë një informator, ai që ka sjellë informacionin e parë për vendndodhjen e Balilit që sipas tij fshihej në një zonë midis Sarandës dhe Delviës.
Operacioni për kapjen e Balilit u zhvillua paralelisht me disa superoperacione të tjera. Në prangat e policisë ka rënë: ish-deputeti socialist Arben Ndoka, ish-drejtori i Burgjeve Arben Çuko, bosi i drogës Astrit Avdyli, ndërkohë që ende vijon operacioni për arrestimin e Lul Berishës.
Kapja e Klement Balilit u kërkua hapur nga Kryeministri Edi Rama, në më pak se një javë më parë në një deklaratë të tij para drejtuesve të policisë. Rama kërkoi nga drejtori i Përgjithshëm i Policisë së Shtetit, Ardi Veliu, që të kapej Balili, para se këtë fakt ta vinte në dukje ambasadorja e re amerikane.
