Edi Rama ka në stolin e tij 76 deputet pa llogaritur Robert Bitrin dhe Tom Doshin. Sot dorëzimi i Mandateve nga PD dhe pastaj i pranuar dhe nga LSI, është një lojë e rrezikshme në kurriz të shqiptarve dhe të demokracisë..
Nëse delet e grigjës së Lulit mund t’i binden dhe nuk do e pranojnë mandatin e radhës, në listat shumë emrore , askush nuk garanton se pagator të PAA, PR, LZHK. PDK. dhe PBDNJ, që kanë paguar për të futur emrin në listë, duke mos patur asnjë lidhje më siglat e këtyre partive, të jenë aq budallallenjë që mos të pranojnë mandatin e deputetit, si dhuratë e ardhur nga qielli, që kurrë nuk e kishin menduar.
Pra janë 76+2 deputet të Ramës që do të thotë 78, e nëse 6 deputetët e LSI nuk do pranojnë dorëzimin e mandateve atëhere Rama gdhihet me plot 84 depute,t e nëse disa nga ata pa identitet politik marrin mandatet dhe i bashkohen mazhorancës, atëhere vendi kalon në një neo-diktatur.
PD, pavarësisht deklaratave nuk ka asgjë të sigurtë për ditë në vazhdim, në mardhënie me aleatë dhe ushtarët e tyre, që nuk bindin askënd për besnikri në pozitat që janë.
Gjithashtu edhe partia e Ilir Metës në pushtet dhe bashkëshortes së tij në opozitë pritet të përcahet sërish. Pas largimit të Robert Bitrit dhe emrave të tjerë kundërshtarë të djegies së mandateve pritet që grupi i LSI të rrudhet në 12 mandatë, ndërsa Parlamenti me disa dezertime nga opozita të ketë të mundur edhe një mazhorancë të cilësuar me 3/5 deputetëve.
Kjo është poshtërsia që po u bëjnë shqiptarve opozita pa kokë dhe e çoroditur e drejtuar nga njerëz mediokër dhe të paaftë. /Ekskluzive.al
