Nëse ka ndonjë drejtor të etur për para dhe fonde, ai është Agron Hetoja. Hetoja, prej vitit 2013 drejton institucionin më fitimplotë në Shqipëri, KESH-in. KESH-I, tani ka periudhën më të begatë, e cili po keqmenaxhohet nga Hetoja.
Sipas të dhënave, Korporata Elektroenergjetike shqiptare ka shitur më shumë se 400 mijë megavat/orë energji tek tregtarët privatë. Energjia, e cila do të lëvrohet gjatë muajit mars është një nga sasitë më të mëdha të shitura në një muaj të vetëm duke i sjellë korporatës mbi 13.5 milionë euro të ardhura.
KESH e shiti energjinë tek tregtarët me një çmim nga 33 deri në 34 euro për mega. Pjesa më e madhe e energjisë u ble nga dy kompani, shqiptarja GSA dhe serbja EFT. Por për të njëjtin profil bazë në të njëjtën ditë në bursën e Hungarisë, energjia u shit me 49.9 euro për mega, ose rreth 15 euro më shtrenjtë.
Sipas Top Channel, për profilin pik, çmimi më i lartë i arritur nga KESH ishte 41 euro për mega, ndërsa në në bursën hungareze ai ishte 57.1 euro për mega, ose 16 euro më shumë.
Krahasimi i të dhënave tregon se nëse KESH do ta kishte shitur energjinë me të njëjtin çmim si në bursën hungareze, ajo do të arkëtonte të paktën 4 milionë euro më shumë, përfshirë edhe tarifën e kapaciteteve që paguhet në eksport.
Por, edhe këtë herë u përsërit e njëjta dukuri, ajo që kompanitë publike shesin me çmime më të ulëta se bursa, kur vendi ka tepricë energjie dhe blejnë me çmime dukshëm më të lartë se tregu kur vendi është në krizë. Shit-blerja e energjisë edhe në të kaluarën ka shkaktuar debate të forta.
Në momentin kur ka krizë energjie, dhe Hetoja nuk ka rezerva energjie, detyrohet të blejë tëk ato që e shet me një çmim shumë herë më të lartë.
Pra, Hetoja, shet lirë dhe e blen shtrenjtë në bursë energjinë.
Një tjetër skandal, është se Hetoja ka mbajtur mbyllur portat e hidrocentraleve me qëllim që të rritet në mënyrë maksimale prurjet që të prodhojë sa më shumë energji.
Në këtë mënyrë, hetoja shton milionat e tij. Por fatkeqësinë e paguajnë qytetarët e thjeshtë të zonës së nën Shkodres që janë përmbytur.
Në momentin kur situate agravohet, Hetoja urdhëron që të happen portat dhe të nisin shkarkimet. Këtu krijohen përmbytjet masive.
Për Agron Hetonë nuk ka rëndësi që përmbytet gjysam e qarkut, por miliona euro që mund të zhvasë nga katastrofa.
Vetë Hetoja, është përmbytja më e madhe që mund ti ketë ndodhur KESH pasi keqmenaxhimi dhe abuzimi i tij po fundos Shkodren dhe po vidhen miliona euro nga buxheti i shtetit.
