Dy persona humbën jetën ndërsa një i tretë mbeti i plagosur pasi një burrë ra nga shtatë kate lartësi në një sallë koncertesh në Suedi. Rreth 1000 vetë u mblodhën në Pallatin e Kongreseve në Upsala për të marrë pjesë në koncertin e grupit të famshëm të viteve 1980, ABBA.
Por rreth 30 minuta para se të niste spektakli, një burrë u rrëzua nga lartësia dhe përfundoi mbi dy persona të tjerë. Ai ndërroi jetë, bashkë me njërin prej dy personave me të cilët u përplas, tha policia lokale. Autoritetet thanë gjithashtu se burri që u rrëzua ishte rreth 80 vjeç, ndërsa viktima tjetër rreth 60 vjeç.
Incidenti tragjik ndodhi vetëm pak ditë para se ABBA të nxjerrë albumin e parë pas më shumë se 40 vitesh.
