Evi Kokalari ka reaguar pas komenteve kërcënuese që janë shkruar për të në rrjetet sociale pas shkrimit të një portali.
Një nga komentuesit kërkon që dikush të dhunojë Kokalarin pasi shprehet: “Si nuk del njoni ta rraf mirë dhe tia jap flokët në dore?”
Kokalari pretendon se po lincohet publikisht nga një platformë mediatike dhe askush nuk po reagon. Ajo akuzon deputetin Belind Këlliçin si personin që qëndron pas portaleve që e sulmojnë atë.
“Sa nga ju gazetarë që flisni ‘realitetin’ keni thënë “boll” me këtë absurditet. As nuk dua t’i hyj faktit që ata që predispozoheshin miqtë e mi më të ngushtë në Tiranë, i kanë dhënë platformë totalisht monstrave si Belind Këllira, që siç ma kanë pranuar dhe ata vetë – është mbas të gjitha këtyre sulmeve nga dy portalet plehra”- shkruan Kokalari.
Ajo shprehet se vetëm ka denoncuar manipulimin e votës, por pas sjelljes me të cilën po përballet thotë se demokratët e “merituan Lulzim Bashën”.
“Në fakt ju të gjithë Lulzim Bashën e merituat. Ngrita zërin e vetme dhe dhashë alarmin për Këlliçin, dhe ju s’keni kurajo të më dilni sado pak në mbrojtje, pavarësisht që keni qënë deshmimtar të paktën të orientimit të votës.
Medieval Times Workers Looking to Form the Company’s First Union
Keep Watching
Absurditeti i politikës shqiptare është 100% përgjegjesia juaj. Ju jeni njerëz pa këllqe dhe meritoni situatën ku gjendeni. Nëse misioni juaj ishte të ktheheshit në PD-në e 2013 – urime, asaj rruge i jeni futur”-shton ajo.
Postimi i plotë
Tek lexoja komentin e më poshtë në njq portal që nxit dhunë kundër meje:
“Si nuk del njoni ta rraf mirë dhe tia jap floket në dore”,
m’u kujtua episodi i Musine Kokalarit, e cila kur doli nga një prej seancave të gjyqit, pjellat komuniste i shkulën flokët. Faji i saj i vetëm ishte se kërkoi një sistem politik dhe zgjedhje të ndershme në të mirë të vendit të saj.
Pak, shumë pak kanë ndryshuar njerëzit këto 80 vitet e fundit. Ka akoma monstra që dhunën, sharjet dhe shpifjet i kanë rendin e ditës, dhe sa nga ju ‘intelektuale’ keni ngritur zërin ndaj këtij lloj sulmi që keni parë këto 5 javë kundër meje?
Sa nga ju gazetarë që flisni “realitetin” keni thënë “boll” me këtë absurditet. As nuk dua t’i hyj faktit që ata që predispozoheshin miqtë e mi më të ngushtë në Tiranë, i kanë dhënë platforme totalisht monstrave si Belind Këllira, që siç ma kanë pranuar dhe ata vetë – është mbas të gjitha këtyre sulmeve nga dy portalet plehra.
Sa nga gratë gazetare kanë reaguar për këtë lloj vullgariteti drejtuar nga katër-pesë meshkuj?
E po ta marrim hollë-hollë, cili qe faji im këtu? Që denoncova manipulim votash dhe listash në zgjedhjet e Këshillit dhe të Kryesisë?
E sa nga ju mendoni se e meritoj këtë lloj sjelljeje? Sa nga ju anëtarë të PD ngritët zërin kundër sulmeve absurde të CNA & Nova medias?
Po nga ju të shoqërisë civile që na çanit veshët ditë e natë duke bërtitur kundër padrejtësive, sa herë e ngritët zërin?
ZERO!!!
Hipokrizia juaj duket qartë.
Indiferenca juaj është e turpshme.
Karakteri juaj – mediokër!!
Në fakt ju të gjithë Lulzim Bashën e merituat. Ngrita zërin e vetme dhe dhashë alarmin për Këlliçin, dhe ju s’keni kurajo të më dilni sado pak në mbrojtje, pavarësisht që keni qënë deshmimtar të paktën të orientimit të votës.
Absurditeti i politikës shqiptare është 100% përgjegjesia juaj. Ju jeni njerëz pa këllqe dhe meritoni situatën ku gjendeni. Nëse misioni juaj ishte të ktheheshit në PD-në e 2013 – urime, asaj rruge i jeni futur.
Sa për mua – integriteti im ngelet i paprekur.
Belind Këllira të më hedhë në 100 gjyqe – vëmendjen nga manipulimet nuk do ti heq sepse së shpejti do të hedh në internet listën e emrat e votat e zgjedhjeve që ai vet ka manipuluar. Ai mund ta përdor procesin gjyqësor si pretekst për të mos ju pergjigjur demokratëve për manipulimet, por kjo nuk mund të më ndalojë mua.
As nuk dua ti futem hipokrizisë që komisioni zgjedhor u drejtua nga njerez që vetë nuk kanë kaluar asnjë proces zgjedhor në Shqipëri.
Ju qofshi ku shkoni!!
