Erion Veliaj nuk është “rraqexhi makinash”, kështu të paktën e cilësoi veten e tij kryebashkiaku, fill pasi gazetari Artan Hoxha denoncoi një mjet luksoz me kosto marramendëse, të parkuar para bashkisë të drejtuar prej tij, e për ata që e njohin mirë zonën, aty nuk parkon askush tjetër veçse makinave zyrtare apo miqve të kryebashkiakut.
Çështë e vërteta, kush e njeh kryebashkiakun, e di mirë se të tilla makina Erion Veliaj i “eviton”, jo se nuk është rraqexhi sikur thotë, por kujdeset shumë për imazhin e tij aq sa dhe me gruan udhëton me shall e kapuç kur del për ndonjë pazar jashtë vendit.
Pra Erion Veliaj “eviton” të lëvizë me një Mercedes-Benz, ama nga ana tjetër taksapaguesit e Tiranës i kursen duke blerë një “Volkswagen ID.4” elektrike, me një çmim të kripur që fillon nga 42 mijë dollarë për modelin bazik. Dikush duhet t’ia sqaroj kryetarit, se të lëvizësh me një mjet të tillë në Tiranë është luks i tepruar dhe duhet të jetë mirënjohës e mos ta ofendoj bujarinë e taksapaguesve të kryeqytetit, duke i gënjyer sy për sy se nuk është pasionant i luksit.
Në foton 1 makina në përdorim nga Veliaj dhe në foton 2 çmimi i saj në Europë
Praktikisht Erion Veliaj është një gënjeshtar kronikë dhe për të mbrojtur gënjeshtrat e tij ka “për borxh” të baltos çdokënd, madje ai guxon dhe publikisht ta kërcënoi në forma mafioze median dhe gazetarinë, siç bëri vërtetë me gazetarin e njohur Artan Hoxha, të cilin e përgojoi publikisht se paguhet nga bandat, për t’i mbyllur gojën e të mos merrej me të. Madje u lips edhe ndërhyrja e kryeministrit Edi Rama, i cili u detyrua të sqaronte publikun, se ajo makinë si përkiste Veliajt.
Nëse në Shqipëri do të ekzistonte media apo dhe këto shoqatat e famshme në mbrojtje të drejtave të gazetarëve dhe gazetarisë së lirë, Erion Veliaj nuk do qëndronte as 24 orë në atë zyrë, madje do kishte frikë të nxirrte kokën nga dritarja e shtëpisë për kërcënimet e tij si kapo bande, që të kujtojnë tipike ato bishtpullumbasit e vitit famëkeq ’97.
Ndryshimi midis gazetarit dhe Veliaj është i madh, sepse Hoxha e denoncoi atë publikisht, ndërsa kllouni i bashkisë e kërcënoi gazetarin me mesazhe të koduara mafioze për t’i mbyllur gojën, sepse nëse ka një fakt për personin në fjalë, provë apo dijeni se po kryen ndonjë krim, kryebashkiaku e ka detyrim ligjor ta denoncoj atë në Prokurori, ndryshe ai vetë rrezikon të dënohet për moskallëzim krimi.
Tani për t’iu kthyer debatit pse Veliaj është Klloun dhe Mashtruesi Publik Nr. 1, jo më larg se dje, në zyrën e kryetarit të bashkisë, gjatë një takimi ku u nderuan emrat e disa policëve të rënë në detyrë, krejt papritur, në fotot e publikuara nga Erion Veliaj, shfaqet një biçikletë e mbështetur në mur prapa shpinës së një efektivi që ndodhej në takim.
Foto e publikuar nga Erion Veliaj në profilin e tij në Instagram gjatë takimit në nderim të efektivëve, biçikleta e markës “3T” në sfond:
Për ata që nuk kanë njohuri nga biçikletat, modeli në fjalë “3T” është shumë i kushtueshëm dhe nga përdoruesit e dy rrotakëve është model luksoz, për të cilin shumë pak njerëz kanë mundësi ta kenë pasi kushton jo më pak se 6500 euro (ose 8 milion lekë të vjetra) modeli bazë. Ky model në Shqipëri duke përfshirë kostot e doganës dhe transport, shkon jo më pak se 10 milion lekë për modelin bazik.
Në foto çmimi i biçikletës në faqen zyrtare të markës së njohur
Mashtruesi Publik Nr. 1 i cili kërcënoi median me kode mafioze duhet të deklarojë urgjentisht biçikletën luksoze në deklaratën e pasurisë, nëse ajo është pronë e tij, për të cilën nuk na rezulton askund edhe pasi kërkuam skedën e pasurisë së tij (https://spending.data.al/en/moneypower/view/id/9). Nëse biçikleta e dhuruar reth 1 vit më parë nga një i ri që jetonte në Itali është pronë e bashkisë, atëherë ajo duhet futur në objektet që i takojnë bashkisë.
Në fakt kryetari që e mban veten që nuk është “rraqexhi”, e di mirë se nuk duhet ta pranonte dhuratën me një vlerë të tillë, nëse ajo i është dhënë atij. Madje sipas ligjit, dhuratat që e tejkalojnë vlerën 15.000 lekë duhen deklaruar, për të mos keqpërdorur pozicionin e kryetarit për të përfituar të mira materiale, që në gjuhë ligjore quhet korrupsion.
Kujtojmë rastin e Papa Françeskut, kur një kompani e njohur i dhuroi një “Lamborghini”. Papa e firmosi dhe e nxorri në ankand dhe të gjitha lekët e vlerës së makinës u përdorën për bamirësi.
Ne besojmë se kësaj here, Veliaj nuk do jap asnjë sqarim, madje as Rama nuk do i vijë në ndihmë, por është detyra e medias të hulumtoj këtë objekt, i cili është provë e pakundërshtueshme që nesër Erion Veliaj, qoftë vetëm për këtë biçikletë, mos të kaloj në vetting!
Nëse Veliaj, në pozicionin e kryetarit të bashkisë pranon dhurata 10 milion lekë për një biçikletë, atëherë ai fare mirë mund të pranoi dhurata të tipit Mercedes-Benz që kap shifrat 200 mijë euro. Jo më kot thotë populli: Bishti i qenit është i shtrembër, sado ta tërheqësh, prapë bisht qeni ngelet!/Ekskluzive.al
