Emri i tij është kthyer në makthin e bizneseve në Sarandë, për shkak të arbitraritetit që përfaqëson, abuzimit me funksionin publik, shkeljeve të rënda dhe zhvatjes përmes gjobave si presion. Bëhet fjalë për Elvi Dalanaj, drejtor i Drejtorisë së Taksave dhe Tarifave Vendore në Bashkinë e Sarandës, i njohur ndryshe si ‘drejtor torba’ dhe taksidari i Sarandës.
Mbetet mister se si Dalanaj u katapultua drejtor i taksave në Bashkinë e Sarandës dhe arsimimi i tij, por veprimtaria e tij në këtë funksion është sa e paprecedentë aq edhe e paligjshme, pasi ka arritur t’u njohë taksa bizeneseve dhe t’u presë gjoba për periudha kohore që nuk kanë ekzistuar, nuk kanë pasur veprimtari as fiktive dhe as reale, pra nuk figuronin askund, nuk ekszistonin.
Që kur u katapultua në postin e drejtorit të taksave, Elvi Dalanaj ka nisur një fushatë arbitrare ndaj bizneseve, me taksa abuzive dhe gjoba, me qëllim për t’i detyruar të paguajnë te ai një tarifë korrupsioni mujore, gjashtëmujore apo vjetore. Një burim pranë policisë Sarandë theksoi se Elvi Dalanaj ka mbledhur qindra mijëra euro para korrupsioni gjatë muajve të fundit, një pjesë nga të cilat i mban në banesën e tij dhe banesa të njerëzve të afërt.
Nga verifikimi i kartelave të pasurive ngrihen dyshime të forta se drejtori i taksave dhe tarifave në Bashkinë e Sarandës, një pjesë të parave që u ka zhvatur bizneseve në Sarandë, i ka investuar në pasuri të paluajtshme, duke i pastruar. Duket e ditur se i ka ditët e numëruara në funksionin publik që po keqpërdor, Dalanaj ka intensifikuar fushatën e zhvajtes ndaj bizneseve përmes kontrolleve abuzimeve dhe masave ndëshkuese arbitrare. Vijon…
