Kur më 29 shtator të këtij viti, gazeta ‘TemA’ publikoi raportin e AMA-s për muajin gusht, sipas të cilit Partia Demokratike dhe Sali Berisha gjatë këtij muaji kishte një dominancë absolute në televizionet kombëtare (90.20%), Drejtoi i Shtypit në PD, Alfred Lela, e sulmoi gazetën si ‘antiopozitare’ dhe shpjegoi se një gjë e tillë kishte ndodhur për shkakun se të gjithë, përveç Berishës, gjatë atij muaji kishin ikur në plazh dhe një tregues i tillë nuk ishte realist.
Sipas shkrimit të atëhershëm të ‘TemA-s’ Sali Berisha dhe PD ankohen për ‘regjimin’, i cili i censuron dhe nuk i lejon të dalin në media, ndërkohë faktet e Autoritetit të Mediave Audiovizive tregon të kundërtën e këtij pretendimi.
Siç e shihni edhe në grafikun bashkëlidhur, dominanca e Sali Berishës dhe e PD-së së drejtuar prej tij është ruajtur në shifrën 64.31% edhe gjatë muajit shtator, në të cilin e gjithë qeveria dhe Partia Socialiste kanë qenë në aktivitet të plotë politikë.