Një futbollist adoleshent i ekipit kombëtar afgan, ka vdekur kur tentoi të hipte mbi një avion për të ikur nga talibanët.
Zaki Anwari, 19 vjeç, ishte rritur nën regjimet perëndimore të presidentëve Hamid Karzai dhe Ashraf Ghani dhe ndoqi një shkollë prestigjioze ndërkombëtare në Kabul së bashku me fëmijët e diplomatëve.
Mosha e tij tregon se nuk kishte asnjë përvojë të drejtpërdrejtë të jetës nën sundimin taleban, i cili u dëbua nga pushteti në 2001.
Mbetjet e Anwari u zbuluan në pusin e timonit të një aeroplani transporti amerikan C-17 kur mbërriti në Katar, pasi avioni ishte nisur nga Kabuli me afganët e dëshpëruar të kapur edhe në rrotat e avionit ditën e hënë.
Futbollisti ishte në mesin e atyre njerëzve që vdiqën pasi ishin varur në aeroplan ndërsa fluturonte. Nga pamjet e publikuara vumë re se si trupat rrëzoheshin në tokë ndërkohë që avioni po ngjitej në qiell.
Dy nga ata që vdiqën kur ranë nga aeroplani u raportuan se ishin vëllezër adoleshentë që shisnin shalqi në tregun qendror të Kabulit. Sipas mediave u tha se vëllezërit të moshës 16 dhe 17 vjeç, pastronin koshat e tregjeve të Kabulit për të siguruar ushqimin për nënën e tyre sepse familja ishte e varfër.
Forcat Ajrore të Shteteve të Bashkuara më vonë thanë se pilotët vendosën të vazhdonin me ngritjen sepse avioni ishte i rrethuar dhe kishte një përkeqësim të shpejtë të situatës së sigurisë rreth avionit.
Vdekja e Anwari u konfirmua nga Drejtoria e Përgjithshme e Edukimit Fizik dhe Sporteve të Afganistanit.
Futbollisti premtues kishte nxituar në aeroport disa orë pasi Kabuli ra në duart e talebanëve, duke u bashkuar me mijëra të tjerë duke u derdhur në pistë dhe më pas duke ndjekur avionin e USAF pavarësisht të shtënave me armë.
Adoleshenti kishte ndjekur shkollën prestigjioze Esteqlal në frëngjisht, në Kabul dhe ishte pjesë e ekipit kombëtar të të rinjve si një 16-vjeçar. Për humbjen e tij mbajtën zi miqtë dhe moshatarët e tij në mediat sociale ditën e sotme.
Forcat Ajrore të Shteteve të Bashkuara të martën konfirmuan se po hapnin një hetim për ngritjen, ku Anwari dhe disa të tjerë u kapën në pjesën e jashtme të aeroplanit ndërsa ai u ngjit.
“Avioni ishte i rrethuar nga qindra civilë afganë që kishin shkelur perimetrin e aeroportit,” tha USAF.
Për shkak të situatës dhe faktit që nuk kishe më siguri, ekuipazhi i C-17 vendosi të largohej nga aeroporti sa më shpejt të ishte e mundur. Mbetjet njerëzore u zbuluan në pusin e rrotave të C-17 pasi u ul në Bazën Ajrore Al Udeid, Katar.
Avioni aktualisht është konfiskuar për të siguruar kohë për të mbledhur eshtrat dhe për të inspektuar avionin para se të kthehet në statusin e fluturimit.
