Këtë të martë të 8 prillit, është nënshkruar marrëveshja mes Fincantieri-t, kompanisë së prodhimit të anijeve me bazë në Itali, dhe KAYO-s, kompanisë shtetërore për sigurinë, që do përfshijë prodhim anijesh, si për nevojat e flotës shqiptare, ashtu edhe në të ardhmen për mundësitë e eksportit.
Gjithashtu u firmos edhe Letra e Mirëkuptimit për kalimin e anijes ushtarake patrulluese “Libra” në përdorim të Forcës Detare Shqiptare.
Për kryeministrin Edi Rama i cili mori pjesë në ceremoninë e zhvilluar në Portin e Durrësit ku edhe u nënshkruan marrëveshjet e bashkëpunimit, tha se “kjo është një dëshmi e të gjithë punëve që po bëjmë bashkë”.
“Dua t’i siguroj të gjithë që kjo është më shumë se aspekti material, sepse po punojmë për të krijuar një sinergji të rëndësishme dhe për të krijuar bashkë një energji të re, për të ecur përpara dhe për të transformuar dhe thelluar edhe më shumë këtë miqësi dhe marrëdhënie mes dy shteteve.
Ti japim mundësi përpjekjeve të reja, dhe është shumë e qartë që duhet të bëjmë ç’është e mundur, nuk ka rëndësi nëse je i vogël apo i madh, por besoj se kjo lidhje me Italinë do të thotë edhe më shumë për punën e bërë bashkë. Dua të falënderoj të gjithë skuadrën. Dua të falënderoj edhe kreun e Ushtrisë italiane për të gjitha dhuratat dhe padyshim për kujtimet e bukura që mora”.
I pranishëm ishte edhe ministri italian i Mbrojtjes, Guido Crosetto.
“Shpreh gatishmërinë dhe vullnetin tonë të mirë për të bashkëpunuar me Shqipërinë si në fushën e Mbrojtjes ashtu edhe në çështjet me karakter ekonomik. Sigurisht që anija Libra nuk përbën thjeshtë një pike-mbërritje por një pike-nisje të bashkëpunimit të mëtejshëm të shkëlyqer mes vendeve tona”.
Ashtu si edhe në bashkëpunimin mes frvcave tona të armatosura edhe në industri. Ne jetojmë në kohë të vështirë ndaj kombet duhet të kupotojnë që duhet të bashkëpunojmë më ngushtë së bashku. Prej ditës së sotme do të rrisim nivelin tonë të bashkëpunimit që do të forcohet. Nën udhëhjqjen e kryeministrit Rama dhe kryeministres Meloni për të forcuar bashkëpunimin në të gjtha fushat”, tha Corsseto.
Ndërsa, për ministrin e Mbrojtjes Pirro Vengu, “dhurimi i anijes Libra tregon bashkëpunimin e mirë mes dy vendeve dhe është një akt që tregon miqësinë tonë”.
Fincantieri është një kompani italiane ndërtimi anijesh me seli në Trieste, Itali. Ndërtuesi më i madh i anijeve në Evropë, pas blerjes së kompanisë Vard në vitin 2013, u dyfishua në përmasa për t’u bërë i katërti më i madh në botë (në vitin 2014).
Kompania ndërton si anije tregtare ashtu edhe ushtarake.
