Analisti Frrok Çupi u shpreh se çështja e “21 janarit” është në një moment përfundimtar. Gjatë një interviste në emisionin “Real Story” në ABC News, Çupi tha se “21 janari” është një çështje që ka një ndjeshmëri botërore, duke shtuar se vrasja në bulevard ishte një ‘vrasje masive”.
“Jemi në një moment përfundimtar, deciviz. Kjo është një ndjeshmëri botërore. Të paktën perëndimore. Nuk ka më nevojë për asnjë hetim, fakt apo të dhënë tjetër. Sepse duket që është gjithçka e kompletuar.
I kthehemi pak me një sens hetimi social, Sali Berisha nuk u shpall non grata familjarisht thjesht për një korrupsion. Britania e Madhe nuk e shpalli non grata për një arsye të vogël. Por e gjithë ajo linjë do të vinte këtu.
SPAK nuk ishte e gatshëm, ta themi këtë. Por tani siduket kanë ardhur aleatët, por ndihmën më të madhe e ka dhënë Strasburgu që e ka dhënë si vrasje shtetërore. Vrasje shtetërore do të thotë vrasje nga qeveria dhe janë rrezik shumë i madh. Vrasja në bulevard është vrasje masive dhe bota qytetare nuk mund të jetë e pandjeshme.
