Pas pothuajse 24 orë heshtje totale nga kreu i qeverisë për përplasjen mes Bashkisë së Tiranës dhe Presidencës së FSHF, kryeministri Edi Rama ka reaguar për situatën në fjalë me nje koment në rrjetin e tij social Facebook.
Krejt rastësisht Rama ka zgjedhur t’i përgjigjet një pyetje të një komentuesi, i cili e pyet për përgjegjësitë që ka kryetari i Bashkisë Erion Veliaj në komunikimin publik dhe sjelljen e tij dhe a do ndëshkohet nga Rama me masë disiplinore për sa kohë është kryebashkiaku më i rëndësishëm në Shqipëri?
Komenti i Ramës është atipik i një servili, a thua është një punëtorë i rëndomtë në Bashkinë Tiranë, pasi sipas kryeministrit gjuha e përdorur nga Veliaj është e drejtë për sa kohë ai nuk është brenda zyrës së tij dhe se kryeministri i neverit të gjitha përgjimet që bëhen në ambjente jo publike.
Në fakt për të neveritur është përgjigja e Ramës, i cili e mban veten për intelektual dhe si i tillë duhet të bindej, se një njeri me kulturë duhet t’i tregojë vlerat e tij edhe kur shkon në tualet.
“Une i neveris pergjimet e bisedave mes njerezve qe flasin ne nje mjedis jopublik, te cilat sipas meje nuk mund te merren per baze asnjehere askund, as si prova fajesie as si prova vertetesie, sepse tjeter konteksti i nje komunikimi informal pa dorashka, tjeter konteksti i shfaqjes publike se nje pergjimi, prandaj edhe as nuk e kam degjuar fare dhe as kam ndermend ta degjoj, keshtu qe meqe te dhashe tere kete shpjegim tani te lutem plotesoje pyetesorin me opinionet e tua duke klikuar https://keshillimikombetar.al/”, shkruan Rama.
Praktikisht gjuha e Veliaj është e neveritshme dhe komenti i Ramës gjithashtu, i cili tenton të mbroj atë që nuk justifikohet si një komunikim mes miqsh, për sa kohë Veliaj kishte shkuar në takim si kryetar bashkie dhe plani për të kapur me dhunë presidencën e FSHF bëhej nisur nga pozita e tij si kryetar bashkie, gjë të cilën Veliaj e përmend shpesh dhe gjatë diskutimit mes burrash.
Nëse Veliaj kishte shkuar në takim si kapo bande, atëherë le të na e thotë që edhe publiku ta gjykoj si të tillë. Çështë e vërteta, Veliaj kishte shkuar në takim si Kryetar i Bashkisë Tiranë, se me status tjetër, për burrë nuk e bënë njeri.
Rama dhe Veliaj duhet ta mësoj nëse nuk ia ka shpjeguar njeri, se një person që mban një funksion publik si në rastin e tij dhe kryebashkiakut, nuk ka një jetë private ku mund të bëj çfarë të dojë në kohën e lirë dhe të jetë shembull për të tjerët kur vesh kostumin e punës nga ora 8:00 e mëngjesit deri në orën 16:00 të pasdites.
Një kryeministër dhe një kryetar bashkie nuk mund të shkoj në shtëpi, në ambjentin e tij privat, ta thërras gruan k*rvë e ta detyroj të bëj punë shtëpie, meqë është në mjedisin e tij personal. Një kryeministër dhe një kryetar bashkie s’mund të takojnë miqtë në kafene dhe lloto dhe pasi të jenë dehur nga avujt e alkolit tu fishkëllejnë femrave në rrugë.
Një funksionar publik duhet të jetë model si në punë si në mjedisin e tij personal, mes miqsh, familjesh, kolegësh, etj.
Nëse Rama nuk mendon kështu, atëherë protesta për të rrëzuar modelin “7% të bllokut të kuq” të Ilir Metës, pas publikimit të videopërgjimit Ilir Meta- Dritan Prifti, që përfundoi me 4 të vrarë në bulevard… na paska qenë e kot. Meta me Priftin po flisnin mes miqsh në zyrën e këtij të fundit, se si të ndanin lekët.
Madje edhe ish-ministri Ylli Pango, i cili u largua me ceremoni nga PD, i paskemi rënë në qafë kot, ai “i shkreti” një palë mbërthecka donte të hiqte në shtëpinë e tij me një mikeshë që e njihte prej vitesh.
Me këtë logjikë e paska ngrënë kot Shukri Xhelili, që përfundoi në burg vetëm se donte të bënte pak qejf i shkreti në një hotel dhe jo në zyrë si ca e ca. Por të gjithë e kryqëzuan më shumë për brekët se sa për epshin ndaj dashnores.
Mos harrojmë kryetarin e Bashkisë Bulqizë, Lefter Alla që thithte drogë mes miqsh në një lokal dhe aspak në zyrën e tij.
Pa harruar drejtorin e Kadastrës Artan Lamen, që donte të mbante peng 320 mijë votues me procesin e legalizimit, nëse nuk votonin për PS-në.
Për të mos harruar Ndriçimen, “Manushaqen” e ish-kryebashkiakut të Kamzës Xhelal Mziu, të cilën nga ngacmimet e kryetarit të provuara me SMS u detyrua të emigronte dhe kërkonte azil jashtë vendit. Po pse dreqin e çuan jashtë vendit, Xhelali mesazhet nga telefoni i tij personal ja dërgonte, nuk ja çonte nga telefoni i punës.
Fatkeqësisht për vendin, Rama po kthehet në një klloun i rëndomtë për t’i shpëtuar prapanicën Erionit, se ato b*let e hekurit që përmend kryetari në audiopërgjim, edhe me dylbi ti kërkosh nuk i gjen gjëkundi./Ekskluzive.al
