Bashkim Yzeiri është administratori i kompanisë SOMEG e cila ka gjashtë dyqane në vendet më të lakmuara të Tiranës, ku shumica e banorve nuk e njohin varfërin dhe nuk u dridhet dora, aq më tepër kur blejnë bukë.
Çifti i mësuesve në fakt janë kthyer në një çift mashtruesish duke reklamuar se prodhojnë bukën bio, paketimin me letër, llojet e ndryshme të bukës dietiken, me fara, me sojë dhe elb, e dhjetëra produkte të tjera, që janë vetëm gënjeshtra dhe sajesa me emra imagjinarë.
Madje arrijnë deri aty sa pretendojnë se bashkëpunojnë me “Pelinin” në Veronë që është prodhues pastash dhe kafeje, me gjermanët e Martin Braun të cilët prodhojnë croasantë dhe produkte me çokollata, francezët e Le Safre që prodhojnë ushqim për qen, italianët e Altamurës prodhues pastash, pra askush nuk prodhon bukë.
Kjo natyrisht që eshtë gënjeshtra më e madhe e tyre, sepse as nuk e dinë se ku bien këto kompani dhe është është mjeti qesharak për të justifikuar para të paditurve vjedhjen masive të këtij çifti ish mësuesësh
Mbasi bënë miliona në kohën e pandemisë, ku në këto lokale pihej kafe dhe haheshin pasta, kur 90% e lokaleve të këtij shërbim ishin mbyllur, Bashkimi shpiku një metodë vjedhje krejt të paparë.
Në furrat e SOMEG gjenden llojët e bukëve nga më të çuditshme bukë si ajo e “fshatarit francez” e “furrtarit gjerman” apo e savojës dhe me dhjetra emra të çuditshëm që nuk i gjen në asnjë furrë të botës. Kjo metodë mashtrimi ka për qëllim që ta kthej vjedhjen në art.
Buka që shitet në këto 6 njësi SOMEG është me brumë të zakonshëm dhe nuk mund të justifikohet me asnjë emër që të ofron shitësja pas banakut. Për të bërë bukë të këtyre kategorie, duhet së pari të kesh miell të prodhuar nga gruri francez, gjerman ose italian dhe duhet të përgatisësh brumë të veçantë me formulën e secilës buke që prodhon dhe kjo bukë e “veçanta” duhet të shoqërohen me ambalazh me etiket për treguar se si është prodhuar sipas emërtimit nga origjina, peshën e saktë siç e bënë prodhuesi gjerman francez apo italian.
Në fakt prodhimet e SOMEG nuk kanë asnjë standart peshe dhe varjojnë nga 300- 400 gr dhe çmimiet e tyre janë mbi 120 lekë. Kjo është vjedhja më skandaloze dhe më kriminale, por e paprecedent është heshtja e organeve që e kanë detyrim ligjor për t’i ndaluar këto sharlatan që vjedhin edhe shtetin edhe popullin.
Ndërsa cilësia është për të vënë duart në kokë, ashtu siç e kanë cilësin 90% e furrave të bukës që tregtojnë jashtë çdo standart, sepse tatimorët, inspektorët dhe të gjithë “orët” e shtetit as nuk shikojnë as nuk dëgjojnë, madje bashkëpunojnë, përderisa lejojnë të tilla maskarada që ushqejnë qyetarët me bukë thatë …bukë gënjeshtarësh.
Buka franceze e Someg
Buka e Someg e shoqëruar vetëm me faturën tatimore, e pa paketuar me plastik dhe pa asnjë certifikat për elementët ushqimor përbërës, thjesht një emërtim qesharak, për të vjedhur duke përdorur si mjet emrin pompoz.
Këta janë dhjetë kokërra fara luledielli, që sipas Someg dhe mësuesit Bashkim Yzeiri na e kthekan bukën masive jashtë standarteve në bukë cilësore të shijshme…franceze që në bukën franceze orgjinale as që ekzistojnë.
Kjo është buka e vërtetë franceze, prodhuar në një shtet larg Francës e ambalazhuar dhe me çertifikatën teknologjike të produktit, me masat në gram dhe përqindje të çdo elementi përbërës, me peshën 460 gr dhe vlen vetëm 3 dollar kanadez ose 168 lekë shqiptare… pak më lirë se buka e gënjeshtër e Bashkimit të mashtrimit. Vijon… /Ekskluzive.al
