Vrasja e 20-vjeçares Caroline Crouch nga grabitësit në shtëpinë e saj ka tërhequr vëmebndjen e mediave britanike. The sun i ka kushtuar një artikull ngjarjes duke raportuar se autoritet greke tashmë duhet të kishin zbardhur ngjarjen.
Caroline Crouch 20 vjeç, u torturua dhe u vra nga hajdutët të cilët gjithashtu i mbajtën një armë vajzës së saj 11-muajshe Lydia ndërsa burri i saj ishte i lidhur jashtë shtëpisë së tyre në Athinë.
Ekspertët që kanë parë policët teksa përpiqen të gjurmojnë fajtorët thonë se tre javë pasi Caroline vdiq vrasja misterioze duhej të ishte zgjidhur. Hajdutët që vranë mamanë britanike kurrë nuk mund të kapen pasi policët nuk arrijnë të arrestojnë bandën amatore javë më vonë.
“Nëse kjo do të ishte një vjedhje e zakonshme do të ishte zgjidhur deri tani,” -tha kriminologu i lartë Apostolos Lytras.
“ Nuk ka asnjë mostër të ADN-s, as gjurmë gishtash, ka pak prova. Diçka nuk është në rregull,“-tha ai.
Forcat greke të sigurisë të ngarkuara me gjurmimin e autorëve thuhet se kanë ngushtuar listën e të dyshuarve të mundshëm në dhjetë persona.
“Ata janë të gjithë kriminelë të kombësive të ndryshme. Është një rast i vështirë. Është dashur më shumë nga sa kemi menduar të arrijmë këtu, por po afrohemi,”– tha një polic për Sun Online.
Caroline ishte zhvendosur në Athinë pasi ishte martuar me pilotin e helikopterit Charalambos ‘Babis’ Anagnostopulos. Çifti ishte takuar në ishullin Alonissos ku ajo u varros muajin e kaluar. Vrasja ndodhi në orët e para të 11 majit në shtëpinë dykatëshe që çifti kishte marrë me qira në periferi të tregut të Glyka Nera.
