Ngritja e komisionit hetimor dhe vendosmëria e mazhorancës socialiste për ta shkarkuar nga detyra, duke se ka trembur presidentin Ilir Meta. Ky i fundit 2 vitet e fundit i ka hapur një luftë të fortë qeverisë dhe Partisë Socialiste, ndërkohë që herë pas here ka kërcënuar me dhunë e kaos.
Por kjo sjellje dhe këto deklarata të bërë nga Meta, detyruan mazhorancës që të ngrejë një komision të dytë hetimor për të. Ky komisionin po heton veprimtarinë e Metës, ndërsa anëtarët socialistë të tij e akuzojnë atë se ka shkelur Kushtetutën me thirrjet politike dhe jovetëm.
Mirëpo, garancia e PS për t’i shkuar deri në fund nismës së saj për shkarkimin e Metës, ka bërë që kreu i shtetit të zbusë tonet ndaj Partisë Socialiste. Presidenti Meta ka dalë në media, por çuditërisht gjuha e tij e fortë është zëvendësuar me një retorikë të butë që do t’i kishte për hije një kreu shtetit.
Madje, sikundër ka mësuar gazeta, presidenti Meta ditët e fundit edhe në raportet me miqtë dhe shoqërinë e tij, është treguar tej mase miqësor dhe i ekuilibruara, duke treguar se vendosmëria e mazhorancës për ta larguar nga Presidenca e ka futur në panin dhe tmerruar.
PS kërkon ekspertizë psiqike për Metën
Por pavarësisht tërheqjes dhe zbutjes së toneve nga ana e kreut të shtetit, mazhoranca socialiste vijon e qetë punën e saj për t’i shkuar deri në fund shkaktimit të presidentit Ilir Meta nga detyra. Ditën e djeshme është mbledhur seanca e radhës e komisionit hetimor për shkarkimin e Ilir Metës nga posti i Presidentit të Republikës së Shqipërisë.
Teksa solli në vëmendje thirrjet e Metës gjatë fushatës zgjedhore, anëtari socialist, Spartak Braho kërkoi që të ketë një vlerësim për gjendjen psikologjike të kreut të shtetit. Për këtë, ai i kërkoi mendim të specializuar deputetit mjek, Edmond Stojku.
“‘Mos dëgjoni don Agaçion! Nëse derdhet një pikë gjak mjerë ju, nesër duhet të jetë festa e demokracisë. Kriminelët janë të rrezikshëm, por më të rrezikshëm kriminelët e veshur me uniformë”. Presidenti është shfaqur në deklarata në gjendje psikologjike aspak normale. Dua t’i drejtohem Stojkut, si e vlerësoni gjendjen psiqike të Presidentit, mos jemi në kushtet të papranueshme të tij”, deklaroi ai.
Pra, socialistët përmes kësaj kërkesë të deputeti Braho, kërkojnë edhe ekspertizë psiqike të Metës. Megjithatë, në përgjigje të deputetit Braho, ligjvënësi dhe anëtari opozitar i komisionit hetimor, Edmond Stojku theksoi se këto shpërthime vijnë për shkak të luhatjeve të theksuar të humorit. “Ky është një problem krejt profesional mjekësor. Problemi këtu diskutohet për një luhatje të theksuar të humorit që gjendja e stresit varion me shqetësime që arrijnë në vendimmarrje të gabuara të individëve në pushtet.
Nuk do të ishte keq, nëse mendohet pozitive nga komisioni një këqyrje më e thellë profesionale. Nuk e di nëse do të ishte udhës, por njihen stresi emocional, ndodhin dhe nuk duhet të ndodhin në vazhdimësi. Kur kemi disa shpërthime të herëpashershme mund të merret në konsideratë”, deklaroi deputeti i opozitës, Edmond Stojku. Ndërkohë, deputeti Braho i cilësoi veprimet e presidentit Ilir Meta si ato që bën një person i “çmendur”, që sipas tij, e konsideron populli në gjuhën e thjeshtë. “Duhet të hetojmë edhe shkaqet. Këto janë veprime të një njeriu të çmendur se populli ashtu e quan, apo janë veprime të një njeriu që ka luhatje emocionale”, nënvizoi Braho./RIGELS SELIMAN
