Avokati dhe ish-prokurori Ervin Karanxha shpërtheu ndaj Ina Ramës, duke e akuzuar se është bashkëpunëtore e SHIK-ut, një pozicion që ligji e ndalon të shfaqet njëkohësisht si anëtare e KPA-së në procesin e vetingut.
Rama shfaqet në listat e SHIK-ut, të publikuara nga hakerat iranianë.
“Kur pashë Ina Ramën në listat e SHIK-ut, mu kujtua filmi, ku Coli njofton mësuesin: ‘Zoti mësues, ai është spiun!’”, tha Karanxha
Ai ka deklaruar gjithashtu se anëtarët e vetingut janë të paaftë, duke i kritikuar ashpër për mënyrën se si po e ushtrojnë detyrën. Theksoi se jo vetëm që mungon efikasiteti, por edhe vendimmarrja e tyre është e dobët, duke nxjerrë në pah një kapacitet të kufizuar për të mbrojtur ligjin dhe integritetin e drejtësisë.
Sipas tij, kjo paaftësi shfaqet qartë në vendimet e diskutueshme dhe në mënyrën si trajtohen çështjet, duke i lënë institucionet e drejtësisë të ekspozuara ndaj dyshimeve dhe manipulimeve.
Ai shtoi më tej se anëtarët e vetingut kanë pasuri të pajustifikuara. Ish-prokurori thekson se ato nuk mund të shpjegohen ligjërisht dhe nuk korrespondojnë me të ardhurat e deklaruara.
Karanxha ka hedhur akuza të forta edhe për çështjen e Lulëzim Bashës, lidhur me rrugën Durrës-Kukës. Si ministër, Basha ishte akuzuar për korrupsion për këtë projekt, ndërsa Ina Rama, në rolin e saj si Prokurore e Përgjithshme, e mbylli çështjen duke përdorur një procedurë për shkelje afatesh, duke shmangur hetimin real dhe duke nxjerrë në pah lidhjet e dyshimta mes politikës dhe drejtësisë.
