Ish-drejtori i SHIK, Irakli Koçollari, është shprehur se është e pamundur që një dosje e ish-Sigurimit të Shtetit të eliminohet, fshihet apo të zhduket.
Testimi i raketave nga Koreja e Veriut, ekspertët zbardhin ‘të fshehtat’ e bujshme: Ja çfarë kanë në brendësi
Po ashtu ai tha se është e pamundur që një e tillë të sajohet nga fillimi. Sipas Koçollarit, materialet janë të mikrofilmuara të gjitha.
Blendi Fevziu: Meqenëse çështja e hapjes së dosjeve, kontrollit, verifikimit të figurave, përfundimisht u mor një vendim nga parlamenti edhe pse është shumë vonë se 32 vjet kanë vdekur bashkëpunëtorë, kanë vdekur personat e ruajtur. Ju jeni i sigurt që asnjë dosje nuk mund të eliminohet, nuk mund të fshihet, nuk mund të zhduket? Dhe nuk mund të sajohet nga fillimi.
Irakli Koçollari: Absolutisht jo! Është e pamundur. Verifikohet menjëherë.
Blendi Fevziu: Pra nuk sajohet dot dosje, nuk fshihet dot dosje, nuk fshihet dot bashkëpunëtor, nuk fshihet dot skedë bashkëpunëtori.
Irakli Koçollari: Jo!
Blendi Fevziu: Është e vërtetë që materialet janë dhe në skeda, dhe në mikrofilma?
Irakli Koçollari: Patjetër. Të mikrofilmuara të tëra. Edhe nëse ai ka hequr dy fletë do të gjendet diku. Një profesionist di ta gjejë.
