Thonë që sa më shumë kohë kalon si beqare, aq më tepër rriten pritshmëritë dhe kërkesat për mashkullin ideal. Ne po ju sjellim sot disa nga beqaret më të njohura të showbiz-it shqiptar, së bashku me listat e tyre të kushteve që duhet të plotësojnë partnerët e ardhshëm. Dikush do unazë diamanti, dikush do që ai t’i lajë enët Këto janë kriteret e mashkullit ideal sipas beqareve të showbiz-it shqiptar:
Bora Zemani
Moderatorja Bora Zemani ka qenë shumë e hapur pas ndarjes nga partneri DJ Vini. E ftuar pak kohë më parë në “Xing me Ermalin”, moderatorja më në fund foli për ndarjen dhe zbuloi arsyen që e çuan atë dhe Vin Velin në këtë vendim, duke u shprehur se gjatë vitit që lamë pas, ata kishin pasur probleme.
Pyetjes se çfarë karakteristike të mirë që ka pasur Vini duhet të ketë i dashuri i saj i ri dhe çfarë karakteristike të keqe të Vinit nuk duhet ta ketë, ajo i është përgjigjur:
“Ai nuk duhet të punojë natën, pra të jetë DJ, dhe duhet të bëjë fëmijë si Vini.”
Kida
Ajo është një ndër këngëtaret më të preferuara të publikut shqiptar. Por përveç muzikës, ne ende nuk dimë asgjë rreth jetës private të Kidës. Këngëtarja ka treguar në një intervistë për “Pop Culture” karakteristikat e mashkullit ideal, i cili mund të jetë së shpejti pjesë e jetës së saj.
“Të jetë tipi im, të më respektojë dhe të më dojë me sinqeritet të vërtetë. Kur të kesh të dashur duhet të përshtatet me të në karakter dhe çdo gjë”, tha Kida.
Bleona Qereti
Kushti kryesor që një mashkull të martohet me Bleona Qeretin është ky: T’i blejë asaj një unazë me diamant si dhe të bëjë 3 fëmijë. Bleona ka thënë më herët se, do të martohet kur të gjejë një miliarder që vjen pas saj në koncerte.
“Unë dua burrë. Mua burri më duhet burrë, të më rrahë tre herë në ditë. Është ideja, jo të më rrahë se ja fus me këpucë koke pastaj. Burri duhet burrë, jo kalama. I gjatë mbi 1.80, seksi. E mira 1.90. Miliarder, pa bark, që di t’i bjerë pianos dhe mbi të gjitha të bëjë atë që i them unë”.
Roza Lati
Moderatorja shqiptare Roza Lati ka zbuluar gjithashtu listën e kritereve që duhet të përmbushë një mashkull për të qenë krah saj. Duke qenë se janë kaq shumë, ne po i renditim sipas radhës:
Duhet të dijë të lajë enët.
T’i duajë shumë kafshët.
Ta zgjojë me kafe në mëngjes.
Të bëjë shumë dashuri por kjo s’do të thotë se do të bëjë shumë beba.
Dhëndri të vijë ta marrë me Rolls Roys.
Në dasmën e saj duhet të këndojë live Cypres Hill.
