Kryeministri Edi Rama, në një mbledhje me asambletë e PS në njësitë 7 dhe 10 në Kamëz, ka deklaruar se PS ka luajtur një rol të rëndësishëm në organizimin e operacioneve të ndërmarra nga drejtësia, megjithëse ka pranuar se ka pasur dhe gabime gjatë këtij procesi.
Ai e cilësuar këtë një praktikë të re që sjell dhimbje, por që është e nevojshme për të pastruar “tumoret” që ekzistojnë.
Rama gjithashtu i kujton SPAK e GJKKO-së, se ende nuk ka vënë në vend gjakun për 26 të vrarët në masakrën e Gërdecit e 15 marsit 2008 dhe për 4 të vrarët në bulevard në protestën e 21 janarit 2011.
“Duke i dhënë shpatën Zonjës së Drejtësisë, i ke hapur sytë që të shohë edhe qafën tënde. Se shpata është për t’u përdorur. PS ka ndikuar në organizmin për operacionet e drejtësisë.
Sigurisht që në këto operacione ka dhe tumore për të pastruar. Siç ishte ajo historia që doktorët harruan çadrën në stomak. Ka gabime. Është praktikë e re. Është e dhimbshme të përjetosh gjëra që e kupton se janë gabim. Për pesë vite me radhë. Por me vetëdijen që po bëjmë gjënë e duhur. Kemi pasur shumë debate, shikoje se kjo bën muu, jo lëre kemi thënë.
Të të kërkojnë hesap sikur të kanë kapur në faj, pse ke bërë një reformë të tillë. Ne e dinim me kë do merrej, se me kë do merrej, me të vdekurit apo me kënetën. S’është marrë me gjakun që është në kënetë është gjaku i njerëzve të pafajshëm.
Duhet pasur parasysh se sa herë ka një luftë të tillë, për shkak se bëhet zhurmë, krijohet dhe perceptim sikur këtu plasi peshku. Në fakt, e vërtetë është se këtu ka filluar pastrimi”, tha Rama.
