Sali Berisha ka qenë i ftuar mbrëmjen e sotme në studion e Zonë e Lirë në Tv Klan dhe deklaroi se dhe në komunizëm është mbjellë kanabis.
Berisha deklaroi se në vitet 60 i dërgonin në fusha për të korrur lulëkuqe, nga e cila nxirrej opium dhe eksportohej me pas.
Po ashtu ish-kryeministri deklaroi se më drogë dhe duhan është bërë kontrabandë.
“Enver Hoxha na çonte për të mbledhur lulëkuqe, i tregtonte jashtë edhe Kanabis, drogë ka çuar jashtë”, tha Berisha.
I pyetur për paratë se shkonin në arkën e shtetit apo në xhepat e disave, Berisha u përgjigje: E vështirë të them se ku shkonin, kam dëgjuar se shkonin për mbrojtjen e tij.
Deklarata e Berishës: Mendoj se nëna e të këqijave për ne si komb është qëndrimi ndaj korrupsionit
Për ish-Kryeministrin Sali Berisha, fatkeqësia më e madhe për popullin shqiptar është reagimi dhe qëndrimi ndaj korrupsionit qeveritar.
I ftuar në emisionin “Zonë e Lirë” në Tv Klan, Berisha tha se përvojat e kaluara të Shqipërisë duhet të shërbejnë për të reaguar më mirë ndaj rasteve korruptive dhe të mos qëndrojnë indiferent.
“Ka një fatkeqësi të madhe për ne. Fatkeqësia më e madhe e jona është qëndrimi ndaj korrupsionit. Mendoj se nëna e të këqijave për ne si komb, por me një reflektim të thellë në kulturën tonë, është qëndrimi ndaj korrupsionit. Nuk do bëheni dot ata që duam të jemi kurrë, nëse ne si njerëz nuk i mëshojmë qëndrimit ndaj korrupsionit”, tha ish-Kryeministri Sali Berisha.
Ish-Kryeministri ka treguar edhe fatkeqësinë më të madhe në historinë e tij si politikan kur drejtonte Partinë Demokratike. Firmat piramidale në vitet ’97 janë fatkeqësia më e madhe për të dhe PD-në.
“Piramidat, janë një fatkeqësi e madhe e PD dhe Sali Berishës. Sali Berisha po të donte mund t’i kthente gjithë paratë. Por, këtë nuk mund ta bëja. Qëndrimi për kohë të gjatë në pushtet… duhet që të tjerët të vijnë pas teje. Nuk kam qenë asnjëherë i apasionuar pas qëndrimeve afatgjata në pushtet”, deklaroi Sali Berisha. /tvklan.al
A ka shanse që protesta e nesërme të dështojë? Ja si përgjigjet ish-kryeministri Berisha
Ish-kryeministri Sali Berisha i ftuar në “Zonë e Lirë” në Tv Klan ka komentuar situatën politike në vend, po ashtu edhe për protestën që do të mbahet nesër në Bulevardin Dëshmorët e Kombit.
Berisha u është përgjigjur disa pyetjeve në lidhje me protestën e nesërme, që nga skenari për dështim e deri tet rrëzimi i shtetit.
Intervista
A mund të përçahet protesta nga aleatët, asi nuk pranojnë LSI-në, pasi sipas tyre nuk ka bindje të djathta?
Nuk ka as një gjasë të përçahet, protesta do të jetë një faktor i rëndësishëm i bashkimit më shumë se opozita.
Sa gjasa ka që protesta të rrëzoj shtetin?
Aty ku drejtësia është marrë peng i takon publikut të bëj drejtësi.
A është destinuar të dështoj protesta e opozitës?
Djegia e mandateve ka qenë propozim i imi, unë pajtohem me vendimin e lidershipit të partisë.
Sa shanse ka që protesta e opozitës do të vij duke u tkurrur, pasi Rama shkarkoi Çakon?
Protesta e opozitës nuk bëhet për Çakon për super Çakon.
Sa shanse ka që protesta e opozitës të kthej një 17 majt të dytë?
Asnjë shanse është mësuar nga gabimi.
