Mediat greke kanë raportuar për seancën e sotme parlamentare në vendin tonë, ku pati tensione dhe përplasje mes opozitës dhe Gardës.
Në një artikull të botuar Protothema shkruan se “opozita protestoi sot në Kuvend për zëvendëskryeministren Belinda Balluku dhe zyrtarëve të tjerë të akuzuar për korrupsion”.
“Ligjvënësit ndezën flakadanë, hodhën ujë drejt kryetarit të parlamentit dhe zunë vendet e rezervuara për ministrat e qeverisë në një përpjekje për të ndërprerë seancën përpara se Garda të ndërhynte”, shkruhet në artikull.
LEXO EDHE:
Frrok Çupi: Këta me kokrrën e ullirit dolën para pasqyrës
“Nuk mund të ketë parlament me ata që e vjedhin dhe e shkatërrojnë”, citon Sali Berishën Protothema, duke shkruar se kreu i Partisë Demokratike në opozitë tha se “Ligji dhe vetëm ligji duhet të mbizotërojë”.
Deputetët e opozitës po kërkojnë të shohin aktakuzën zyrtare me akuzat e ngritura kundër zëvendëskryeministres Belinda Balluku, thuhet me tej.
Zyra e Prokurorit të Posaçëm, e ngarkuar me luftën kundër korrupsionit dhe krimit të organizuar, i ka kërkuar parlamentit të autorizojë arrestimin e Balluku, dhe Parlamenti pritet të votojë për kërkesën të premten.
“Balluku, e cila shërbeu gjithashtu si ministre e infrastrukturës dhe energjisë dhe është aleati më i ngushtë i Ramës në kabinet, dyshohet se është përfshirë në praktika korruptive që synojnë favorizimin e kompanive përgjegjëse për projekte të mëdha infrastrukturore, duke përfshirë një tunel dhe unazën rrugore në kryeqytet, Tiranë”, shkruan ‘Prothotema’.
