Një histori dashurie që nuk pati një fund të lumtur. Një vajzë e re po vuan ende ndarjen nga njeriu i zemrës, i cili është larguar prej saj natën kur vajza priste propozimin për fejesë. Kjo është historia e trishtë e rrëfyer.
“Jam një 25-vjeçare nga Lezha dhe dua të tregoj historinë time të trishtë të dashurisë.
Kisha 5 vite e lidhur me një djalë, që në shkollë dhe duheshim si fëmijë.
Ai sillej mirë, edhe pse unë isha llasticë. Më donte dhe më respektonte. Por që kur familjet e morën vesh, se normal jetojmë në vend të vogël, familja e tij më refuzonte.
Më refuzonte sepse unë i kam prindërit e ndarë. E nëna e tij nuk e pëlqentë këtë fakt dhe gjithmonë i thoshte të hiqte dorë prej meje. Jam ndjerë shumë herë shumë keq, por ai më ka bërë ta kaloj disi sa herë e ëma e tij na mërziste.
Ajo shkoi deri aty sa më niste mesazhe ku më thoshte që djalin e saj nuk do ta merrja kurrë kaq ta bëja dhëmbin.
Lidhja jonë vazhdoi dhe një vit pasi familjet e morën vesh, e normal nga të mitë presioni u shtua për fejesë.
Por ato muaj kisha dhe debate me të dashurin, sa për të ëmën e tij që ndikonte, sa për gjërat tona…nuk po gjenim paqe, por ndarjen nuk e mendoja kurrë.
Një natë ishte ditëlindja e tij dhe do dilnim për darkë, kishim shkuar në Shkodër…Nuk e di kisha një ndjesi sikur atë natë do të më propozonte fejesë. Por ai më tha që mendonte se lidhja jonë nuk mund të kishte më të ardhme dhe se ishte më mirë për të dy të ndaheshim.
Më tha që edhe është ftohur nga grindjet e nuk duron dot më këtë situatë. I thashë që e ka nga trysnia e të ëmës, por nuk e pranoi dhe më tha që po flisja keq për nënën e tij.
Kam vuajtur shumë sepse ai ishte shumë i bindur për të mos u kthyer më dhe e vërteta është që ne u ndamë dhe nuk u pajtuam dot më.
Ai sot ka një tjetër që i ka gjetur e ëma kurse unë akoma e dua…Kjo ishte jeta ime fatkeqe…Nuk mund të lidhem me askend tjetër…Faleminderit nëse më jepni ndonjë këshillë se çfarë duhet të bëj të largoj këtë trishtim prej zemrës!”, shkruan ajo.
