Qeveria ka parashikuar që se të gjitha dhuratat që marrin ministrat do të dorëzohen në Kryeministri dhe nuk mund të jenë pronë e tyre personale.
Sipas vendimit, nënpunësi i administratës publike nuk duhet të kërkojë apo të pranojë, në mënyrë të drejtpërdrejtë a të tërthortë dhurata për veten, familjen, të afërmit apo personat fizikë. Me anë të një vendimi qeveria bënë me dije se dhuratat ministrat nuk duhet që të marrin dhurata dhe favore për shkak të pozicionit që ata kanë.
“Nëpunësi i administratës publike nuk duhet të kërkojë apo të pranojë, në mënyrë të drejtpërdrejtë a të tërthortë, për veten, familjen, të afërmit, personat fizikë apo juridikë me të cilët ka marrëdhënie, dhurata, favore, pritje apo çdo përfitim tjetër, si dhe premtime për to, të cilat i jepen për shkak të pozicionit të tij, me efekt përfitimi të çfarëdoshëm për dhuruesin ose persona të tretë, që ndikojnë ose duket sikur ndikojnë në paanshmërinë e kryerjes së detyrës, që janë ose duket sikur janë shpërblim për mënyrën e kryerjes së detyrës”, thuhet në Kodin e ri të Etikës së qeverisë.
Ndërkohë, sipas këtij vendimi, dhuratat e pranuara nga nëpunësi i administratës publike, duhet të deklarohen brenda 30 ditëve tek eprorët. Njësia e burimeve njerëzore bën vlerësimin e dhuratave dhe inventarizon ato me vlerë më të madhe se 10 000 (dhjetë mijë) lekë.“Dhuratat e pranuara nga nëpunësi i administratës publike nga delegacione të çfarëdo natyre apo individë, mbi vlerën e caktuar, për shkak të pozicionit të tij, duhet të deklarohen brenda 30 (tridhjetë) ditëve tek eprorët, si dhe në njësinë e shërbimeve mbështetëse.
Dhuratat administrohen në një vend të posaçëm dhe ato mund të përdoren për qëllime të veprimtarisë institucionale. Dhuratat, që kanë vlera artistike, muzeore apo historike, u dorëzohen institucioneve të specializuara. Në të njëjtën mënyrë administrohen edhe dhuratat që nuk mund të kthehen, sipas ligjit nr. 9131, datë 8.9.2003, “Për rregullat e etikës në administratën publike”, thuhet në vendim.
Masa penalizuese ndaj nëpunësve
Në vendim bëhet me dije se nënpunësi i administratës publike mund të mbajë dhurata të lejueshme, pa qenë i detyruar t’i deklarojë ato, nëse nuk e kalojnë vlerën prej 10 000 lekësh për dhuratë. Në rast se këto rregulla të etikës nuk respektohen, atëherë do të ketë penalizime, duke filluar nga ato administrative.“Nëpunësi i administratës publike mund të mbajë dhurata të lejueshme, pa qenë i detyruar t’i deklarojë ato, nëse nuk e kalojnë vlerën prej 10 000 (dhjetë mijë) lekësh për dhuratë.
Nëse nëpunësi ka dyshim për vlerën e dhuratës, ai njofton eprorin direkt dhe i kërkon njësisë së burimeve njerëzore të kryejë vlerësimin e saj. Dhuratat e pranuara nga nëpunësi i administratës publike nga delegacione të çfarëdo natyre apo individë, mbi vlerën e caktuar, për shkak të pozicionit të tij, duhet të deklarohen brenda 30 (tridhjetë) ditëve tek eprorët, si dhe në njësinë e shërbimeve mbështetëse. Moszbatimi i parashikimeve të këtij vendimi përbën shkak për marrjen e masave ndaj nëpunësve të administratës publike”, thuhet në vendimin e qeverisë. /Sidorela Braçja
