Gjërat në Partinë Demokratike nuk janë duke shkuar fort mirë.
Jo vetëm për shkak se PD është e angazhuar në beteja të pakuptimta dhe montim videosh, por sepse drejtuesit e PD-së po përçajnë edhe bazën e partisë nëpër rrethe.
Një gjë e tillë fjala vjen ka ndodhur në Dibër, ku kryetarja e gruas së PD-së në këtë rreth, Irini Arif Shehu, ka reaguar ashpër për prapaskenat që luhen në PD, me urdhër nga Tirana.
“Shoku Lulzim Basha, më gënjeheve njëherë dhe unë të besova, turpi është i yit.
Më gënjeve dy herë dhe unë sërisht të besova, turpi është i imi!
Nëse guxove dhe sole të deleguarit e tu për të legalizuar të komanduarit e tu si kryetar dhe sekretar të PD Dibër, ditë e dielë ora 14:00, të cilët paradite erdhën, në drekë shpërndanë udhëzimin dhe në darkë zgjodhën kryetarë grup-seksionesh për Peshkopi, të emëruarit e para dy muajve të kapobandës së hajdutëve që ropën e vodhën një Dibër të tërë, ke bërë shumë gabim.
Nuk e di se nga ç’racë të sollën dhe ku buron gjenetika jote, që për hir të së vërtetës është një dyshim kombëtar, por dije se je përdhunuesi më mizor i statutit të Partisë Demokratike!
Grup-seksioni Peshkopi ishte një more Lulzim, kur zotrote erdhe dhe bëre shou një muaj në Dibër.
Mbi cilin rresht të statutit e ke të shkruar që një grup-seksioni me as 50 anëtarë partie aktivë, na ndahet në dy grup-seksione, sepse kështu i teket oligarkëve që demokratët dibranë i shporrën me vota.
Ta harrosh ti, Naimët dhe Luanët e tu, Albanat dhe të deleguarit e tu, se do të mund të shkelësh mbi mundin dhe kontributin e demokratëve të ndershëm, që kanë dhënë shpirtin për Partinë Demokratike!
Nëse mendoni se shpëtuat nga unë dhe nga ata qindra si unë, gabohesh shumë rëndë dhe këtë përgjigjie do të ta japë historia, sepse do të jesh humbësi më i madh i të gjitha kohërave.
Je thjesht një gënjeshtar Lulzim Basha! Turp, shumë turp”, shprehet ajo.(TemA)
