Ku ka përfunduar thesari i Gedafit? Askush nuk e di me saktësi, askush nuk e di se sa është vlera e tij, edhe pse ka plot fabula se bëhet fjalë për një pasurri të stërmadhe, rreth 200 miliardë dollarëve (pasuria personale e Jeff Bezos, për shembull, është pak mbi 100 miliardët).
Bussines Insider shkruan sot se nga këto para, që prej 2011-s, vit kur vdiq lideri libian nuk ka gjurmë konkrete, por vetëm disa shfaqje të mjegullta.
Ka nga ata që thonë se janë të fshira në kasaforta anembanë Afrikës, ka nga ata që thonë se ka rënë pjesërisht në duart e ISIS-it, ka që thonë se është shpronësuar dhe gjendet pjesërisht në Dubai, pasi kishte kaluar tranzit nga Londra dhe Italia.
Vitin e kaluar doli një hetim i gjatë i Süddeautsche Zeitung ku citoheshin Panama Papers, në të cilat besohet se ka prova për faktin se një pjesë e mirë e parave, të paktën ato që ishin në fondin sovran të krijuar nga vetë Gedafi në 2006-n, LAI (Libya Africa Investment) janë investuar në financime nafte nëpër Afrikë, në mënyrë që të mundësonin qarkullimin e tyre. Bëhet fjalë për rreth 60 miliardë dollarë.
Pikërisht fondi sovran libian (që duhet saktësuar, është i pranishëm në 500 kompani, ku rezulton se ka investuar gjatë viteve rreth 3 miliardë në bordin e disa kompanive të kalibrit të Eni, Enel, Unicredit, Finmeccanica, Fiat-Chrysler, Juventus, etj) ka qenë gjatë orëve të fundit, në qendër të një investigimi të gjerë të publikuar nga sajti Politico.eu. Në tekst përcillen prova për faktin se edhe pse paratë e fondit ishin ngrirë në pritje që të stabilizohej situata politike në Libi, në të vërtetë ato kanë vazhduar të qarkullojnë.
Një hipotezë, ajo që paratë libiane janë ende në qarkullim, edhe pse rezultojnë se janë të ngrira, që përforcohet edhe nga investigimi i fundit i Politico.eu, që ka mbledhur prova se fondi sovran i LAI-t shpërndan i pashqetësuar fitime, të ardhura nga aksionet dhe pagesa interesash. “Gjashtë vjet pas vdekjes së Muammar Gedafit – shkruajnë në këtë portal – paratë e ngrira të regjimit në Bruksel po gjenerojnë dhjetëra miliona euro interesash, pavarësisht sanksioneve ndërkombëtare”.
Por në këtë pikë ka një tjetër pyetje që duhet të marrë përgjigje: kush i fut në xhep këto para? Kush përfiton nga paratë që, në teori dhe në praktikë, i takojnë popullit libian (duke qenë se Gedafi e krijoi fondin për të administruar të ardhurat e naftës dhe gazit) dhe në pritje që vendi të ketë një qeveri duhet të jenë të ngrira?
Pyetja mbetet pa përgjigje, sepse rrugëtimi i parave është i mbuluar nga marrëveshjet e fshehta dhe përgjigjet e paplota të administratorëve dhe avokatëve.
Dihet vetëm që ato para marrin udhën për në Luksemburg, por më pas nuk ka më gjurmë. Ka vetë pyetje të tjera që mbeten pa përgjigje.
s.k/Shqiptarja.com
