Agjencia e Shteteve të Bashkuara për Zhvillim Ndërkombëtar vepron në Shqipëri prej 33 vitesh.
Ajo nisi aktivitetin në vendin tonë në vitin 1992, vetëm pak muaj pas rilidhjes së marrëdhënieve diplomatike. Prej atëherë, USAID sipas Ambasadës së Shteteve të Bashkuara të Amerikës në vendin tonë ka dhënë rreth 500 milionë dollarë asistencë për të mbështetur Shqipërinë në tranzicionin e saj te gjatë drejt një vendi normal demokratik.
Agjencia e Shteteve të Bashkuara për Zhvillim Ndërkombëtar thotë se ka mbështetur Shqipërinë në programe të fushave të ndryshme me synimin e rritjes së përgjegjësisë dhe transparencës së qeverisë ndaj publikut.
Për këtë arsye, duket se ato që janë përfituar më shumë nga këto fonde, janë shumë organizata joftimprurëse për projekte me fokus rritjen e konkurrencës, përmirësimin e shërbimeve në fusha si shëndetësia, arsimi, bujqësia, energjia e gjelbër, media në Shqipëri. Megjithatë asnjëherë askush nuk ka parë se ku kanë shkuar këto para dhe sesa me eficencë ato janë përdorur.
Shtetet e Bashkuara të Amerikës vlerësuan përparimin e vendit tonë dhe në vitin 2003 nisën programin e sfidës së mijëvjeçarit.
Janarin e vitit 2009 USAID filloi zbatimin e fazës së dytë të tij duke synuar reforma që lidhen me probleme të korrupsionit në administratën publike dhe sistemin gjyqësor. Aprovimi nga SHBA erdhi dhe janarin e këtij viti me fazën e tretë të këtij programi.
Agjencia Amerikane për Zhvillimin Ndërkombëtar, USAID në vitin 2015 mbështeti në Programin për Forcimin e Drejtësisë. Një nga pjesët tij ishte zbatimi në gjykatat shqiptare i sistemit të regjistrimit të zërit gjatë proceseve gjyqësore.
Majin e vitit 2016 USAID prezantoi një projekt prej rreth 9 milionë dollarësh në fushën e drejtësisë. Ndihmës administratorit të agjencisë për Europën dhe Euroazinë në atë kohë Thomas O. Melia theksoi angazhimin e qeverisë së Shteteve të Bashkuara të Amerikës në përmirësimin e sistemit të drejtësisë në Shqipëri dhe kthimin e besimit të qytetarëve tek gjyqësori.
Rreth 31 vjet pas krijimit USAID u bë nder te parat organizata të ndihmës së huaj e Shteteve të Bashkuara të Amerikës në vendin tonë. Me fokus në zhvillimin afatgjatë kryesisht në fusha sociale dhe ekonomike ajo u themelua pas urdhrit të Presidentit Kennedy në vitin 1961. Mbyllja e zyrave të saj, sigurisht do të ketë impakt. Mbetet për t’u parë nëse impakti do prekë realisht këto fusha, apo vetëm fondet e marra e kurrë të shpjeguara sesi janë shpenzuar, nga disa organizata joqeveritare në vend./abcnews.al
