Pas ultimatumit të BE për mriatilin e ligjit të Magjistraturës me seancë të jashtzakonshme ose në ditët e para të Shtatorit, Kunati reagoi zyrtarisht në emër të PD duke akuzuar BE se po persekuton Lulin dhe nuk do ta lërë të qetë as një muaj pushime që ka.
“Të dashur demokratë!
Sulmin e sotëm të ambasadores Vlahutin në emër të Bashkimit Evropian në Tiranë, e quaj të pamoralshëm, të panjerëzishëm dhe kundër të ardhmes së PD.
Me një gjuhë agresive në emër të Bashkimit Evropian ajo kërkon që ne të mblidhemi prap në Gusht dhe të miratojmë ligjin për Shkollën e Magjistraturës.
E gjitha kjo bëhet pasi Luli në një bisedë private me të, disa ditë më parë, i tregoi me sinqeritet, planet e tij për pushime në muajin gusht.
Ne kemi ikur fillimisht në Hollandë ku po stabilizojmë situatën në shtëpi ku kishim dy javë pa ardhur. Lulet po vyshkeshin dhe fatura e internetit kishte ngelur pa paguar dhe na ishte ndërprerë.
Kemi disa punë me taksat që duhet të deklarojë këtu për biznesin që kemi hap në SHBA dhe pastaj do të ikim dy javë me pushime në bregdetin amerikan në Kaliforni.
Pastaj kemi vendosur të kthehemi një javë tek “Laguna Blu” dhe Lalëz me prindërit tanë.
Pas kësaj do të ikim një javë në Itali dhe prej andej përsëri në Hollandë.
E gjithë kjo axhendë është përpiluar me kujdes dhe kemi marrë parasysh dhe ngarkesën që duhet të kemi me telefonatat me problemet e zgjedhjeve brenda partisë.
Pasi Vlahutini i mësoi të gjitha këto plane na jep ultimatume të tilla.
Ne i themi kësaj zonje, që nuk kanë lindur akoma ata burra dhe gra të detyrojnë Lulzim Bashën të ndërpresë pushimet. Nuk e ulim kollaj kokën.”
