Komisioni i Pavaruri i Kualifikimit ka dhënë sot vendimin për shkarkimin e gjyqtares Altina Xhoxhaj.
Vetë gjyqtarja Kushtetueses mungonte në seancë, por u përfaqësua nga avokatja e saj. Pas dhënies së vendimit avokatja në një deklaratë për mediat, ka thënë se vendimin e KPK-së do ta apelojnë në KPA.
“KPK nuk dha argumentet pse u shkarkua, por u tha se brenda 30 ditëve është e drejta për tu ankuar në Kolegjin e Apelimit, ka thënë avokatja.
“Ka bërë deklarim të plotë dhe sipas ligjit për kontrollin e pasurisë nuk ka pasu deklarim të rremë apo të pasaktë, ka kaluar testin sipas atyre që kem i dorëzuar në dosjen përkatëse. Ligji parashikon dhe apelimin, kështu që do përdorim të gjitha mjetet ligjore për të ndjekur të gjithë procesin dhe jemi me bindje të plotë që do të kalojë”, thotë avokatja mbrojtëse e Xhoxhajt
Aktualisht presin që të kalojnë në filtrin e vettingut edhe tre anëtarë të tjerë të kësaj gjykate, ndërkohë që njëri prej tyre ngeli në Shkallën e Parë.
