Ministrja e Shëndetësisë Ogerta Manastirliu deklaroi se Shqipëria ka siguruar 100 mijë teste të shpejta për COVID, të cilat do të kryhen në terren, duke filluar nga dita e hënë.
Në një deklaratë për median Manastirliu tha gjithashtu se jemi angazhuar në disa drejtime për të patur vaksinat antiCOVID që do ta bëjmë falas.
“Kemi dyfishuar kapacitetet e shtretërve në spitale, kemi 550 shtretër në 4 spitalet COVID. Kemi fuqizuar spitalet me mjete spitalore. Sistemi ynë shëndetësor në spitalet COVID dhe ato rajonale kemi 483 respiratorë.
Kemi siguruar terapitë e trajtimit me medikamente. Kemi garantuar barnat falas për pacientët që do të trajtohen në banesa. Kjo mbështetje ka nisur prej muajit nëntor.
Përmes mjekut të familjes qytetarët përfitojnë barnat falas. Jemi angazhuar në disa drejtime për të patur vaksinat antiCOVID që do ta bëjmë falas.
Ashtu sikurse e kemi thënë, në funksion të kufizimit të përhapjes së infeksionit, bazuar në vendimet e Komitetit Teknik të Ekspertëve në kemi marrë të gjitha masat në kohë për përfshirjen e testimit të shpejtë. 100 mijë teste të shpejta të njohura nga OBSH që janë të disponueshme në vendin tonë që do të vendosen në funksion në strukturat spitalore.
Do të nisë nga dita e hënë në Tiranë. Do të jetë i disponueshëm në të gjithë njësitë vendore të kujdesit shëndetësor. Pikat e testimit do të bëhen të njohura në ditët në vijim dhe do të mbulojnë një numër të caktuar banorësh.
Prej datës 20 dhjetor testet e shpejta do të vihen në dispozicion edhe në spitalet rajonale. Koha e nevojshme nga dita e hënë deri më datë 20 dhjetor është përcaktuar të vihet në dispozicion të të gjitha stafeve tona në të gjitha pikat ku do të bëhet ky testim i shpejtë.
Tesi i shpejtë i anti genit është vendosur në funskion të testimet, rritjes së kapacitevem në funskion të nderporjes së zinxhirit të infeksionit duke garantuar edhe sigurinë” – tha Manastirliu.
