Rreth një viti më parë në media kryesisht atë të showbizzit u përhap lajmi se Tea Trifoni, ish konkurrentja e “Përputhen”, veç gjoksit dhe buzëve kishte bërë një ndërhyrje mjekësore që të humbiste në peshë.
Trifoni e gëzuar për humbjen e përkohëshme të kilogramëve të tepërt, nuk la fotografi pa hedhur në profilin e saj Instagram dhe rezultatin e saj e reklamoi po ashtu dhe klinika “Dermolife”, e cila i kishte vendosur balonin gastrik personazhit të showbizz-it.
Klinika “Dermolife” reklamoi punën e saj të suksesshme duke i vendosur balonin gastrik Trifonit, edhe pse është në dijeni të rrezikshmërisë që ai ka tek disa pacient në rast të shfryrjes së tij gjatë trajtimit dhe periudhës kur pacienti e ka në stomak, apo mbjatjes së tij për një kohë të gjatë. Sipas FDA (Food and Drug Administration), një ballon gastrik mund të shkaktojë ulçër në stomak dhe në rastin më të keq, pacienti mund të humbas jetën.
Që nga qershori 2018, Administrata e Ushqimit dhe Barnave (FDA) këshilloi prodhuesit e balonave intragastrike (IGB) që të adresojnë mundësinë e vdekjes nga kjo pajisje. Kjo erdhi pasi numri i vdekjeve në mbarë botën nga ballonat gastrike u rrit nga 7 në 12 persona që nga viti 2016, ndaj perforimit të stomakut dhe/ose obstruksionit të zorrëve. Në rast të shfryrjes së pavullnetshme të ballonit, ai mund të përfundoj në sistemin tretës dhe heqja e tij mund të jetë e rrezikshme, pasi lind nevoja për ndërhyrje të specializuar mjekësore përmes kirurgjisë.
Me hyrjen e Tea Trifonit në Big Brother Vip 2, vumë re se banorja e shtëpisë më të famshme në Shqipëri, jo vetëm që nuk ka humbur peshë, por kishte shtuar disa kilogramë më shumë se para vendosjes së pajisjes së rrezikshme. Trifoni dukej ekstremisht e shëndoshë gjatë qëndrimit në shtëpi, edhe pse përpiqej herë pas here ta fshihte shëndetin me veshjet e saj të gjera.
Po ti referohemi ekeperiencave të banorëve të tjerë, një rrëfim tejet shqetësues ka dal dhe nga goja e një tjetër ish banori të “Big Brother Vip”, Meridian Ramçaj, i cili ka treguar eksperiencën e tij me balonin gastrik, duke e cilësuar si një mashtrim i madh: “Unë gjithmonë kam patur problemin e shëndetit, shëndoshu, dobësohu. Në 2014 kam provuar balonin gastrik. Për mua një nga mashtrimet më të mëdha është baloni gastrik, atë ditë që ti e vendos nuk t’i tregojnë të gjitha truket e balonit. Kur e vendos balonin ai zë gjysmën e stomakut, dhe nëse ti e tejkalon atë, se e dimë që stomaku është një muskul që zmadhohet dhe pa e kuptuar të shtosh qoftë edhe një kafshatë çdo ditë, stomaku ka tendencën për t’u zmadhuar pavarësisht se është baloni”, u shpreh Meridiani.
Më poshtë po publikojmë disa fotografi të Tea Trifonit nga dita kur u dobësua dhe hyrja e saj në Big Brother Vip ku shfaqet tejet e shëndoshur./Ekskluzive.al
Reklama e klinikës Dermolife për ndërhyrjen e Trifonit
Tea në Përputhen para ndërhyrjes
Tea në Big Brother Vip 2 pas ndërhyrjes
