Pas përfundimit të zgjedhjeve të sotme, Muli thirri me urgjencë Lelon për të vendosur qëndrimin që do të mbajnë.
– Si duhet ta interpretojmë këtë bojkot? – i tha Muli.
– Po mirë është të themi që populli është i zhgënjyer nga qeveria, – tha Lelo, – ndaj nuk del të votojë. Se dihet që këta janë mësuar të votojnë për qeverinë.
– Unë them të tregohemi më të guximshëm, – tha Muli. – Ta shpallim që gjithë ata që qëndruan në shtëpi janë me opozitën.
– Po ne kemi kandidatët e pavarur që kemi mbështetur, – tha Lelo.
– Jo, s’kemi punë me ata. Ne jemi me ata që s’kanë votuar. Pikë.
– Dakord atëherë, – tha Lelo. – I bie që kemi fituar afërsisht 75 për qind të votave, pra me dy të tretat.
– Atëherë këtë fitore ta shpallim, – tha Muli. – Ka fituar opsioni i bojkotit që zgjodhi PD.
– Po do na thotë ndonjë që këta shqiptarët që kanë vepruar si ju, pse nuk e kanë më të lehtë të votojnë për ju?
– E ke gabim, – i tha Muli. – Ky është test. Ne deshëm të dimë si mendojnë shqiptarët. Tani e dimë ne çfarë bëjmë herën tjetër. Kjo na duhej ne. Tani ne jemi me 75 përqindëshin, Edi Rama dhe të pavarurit me 25 përqindëshin. Kjo është fitorja më e thellë në histori që kemi arritur pas 22 marsit 1992.
– Dhe e kemi arritur duke ndenjur në shtëpi. Merre me mend të dilnim nga shtëpia!/Antena/ Tema
