Pas humbjes së thellë në Rrogozhinë, Muli i cili ishte në krye të ekipit të të fortëve që do mundësonin fitoren, thirri me urgjencë Lelon, të gjenin arsyet se si Xhorxh Sorosi ua vodhi fitoren në Rrogozhinë.
-Nuk di si të them, por na duhet ndonjë fakt, i tha Lelo.
-Fakt kemi tha Muli. Shkolla e Gosës e ka emrin Xhorxh Soros.
-Epo kjo është e rëndësishme tha Lelo. Këtu i kemi kapur. Do ta shpërndajmë fotografinë e shkollës gjithandej . Skenari është i qartë. Erion Veliaj i ka premtuar Xhorxh Sorosit ti vërë emrin e shkollës në Gosë dhe ai pastaj ka angazhuar gjithë rrjetin e tij për të transformuar votën e Rrogozhinës nga e djathta tek e majta.
Fjala vjen ne do zbulojmë fakte se si njerëzit derisa shkonin para shkollës thoshin Rroftë Cim Hoxha kur dilnin kishin votuar për Memallën. Kjo tregon që Soros ka futur disa pajisje me ultratinguj në shkollë dhe kur njerëzit votonin ato ndikonin në trurin e tyre dhe ndryshonin votën.
Në sallat e votimit ajnë gjetur aparate të maskuara si aparate wirles interenti që në fakt ishin valë goditëse në tru të komanduara nga Sorosi prej New Yorkut.
Madje në një rast do bëjmë publike dhe faktin që dhe një pensionist që shkoi të votoj për Cim Hoxhën pasi i kishte dhënë pensionin e muajit, kërkoi të pijë një gotë ujë nga komisioni dhe sapo piu gotën e ujit ndryshoi votën. Kjo tregon që Sorosi kishte helmuar dhe ujin e pijshëm në qendër votimi.
-Ja gjëra të tilla na duhen tha Muli. Është e vetmja mënyrë tua shpegojmë që nuk ka zgjedhje në këtë vend derisa ka ende shkolla me emrin Xhorxh Soros.
-Prit tha Lelo. Dhe më shumë. Ne do themi se premtimi i parë i Çim Hoxhës ishte se do ti hiqte emrin shkollës Xhorxh Soros ndaj dhe Sorosi u angazhua vet personalisht.
-Edhe kjo është e bukur tha Muli. Do të gëzohet shumë Doktori nga këto zbulime.
