Shërbimi për Çështjet e Brendshme dhe Ankesat arrestoi gjatë mëngjesit një efektiv policie në qytetin e Fierit, me gradën nënkomisar.
Gazetarja Anila Hoxha duke ju referuar burimeve tha se efektivi i FNSh. Fier P.Sh gjatë mesnatës teksa po drejtonte automjetin në gjendje të dehur ka dalë nga rruga dhe ka hyrë në oborrin e një shtëpie.
Siç bën me dije policia për Top Channel gjatë aksidentit polici ka dëmtuar gardhin e shtëpisë në fjalë dhe automjetin e parkuar. Për këtë pronari i banesës është konfliktuar me policin dhe në konflikt e sipër P. SH pasi është prezantuar ka nxjerrë pistoletën dhe janë përleshur sërish.
Policia thotë se qytetari është dëmtuar në dorë nga qitja e pavullnetshme e armës.
Ndërkohë pasi ka mbërritur në vendngjarje është kryer arrestimi i policit si dhe janë kryer veprime hetimore si testi i alkoolit që ka zbuluar se P.Sh ishte në gjendje të dehur si dhe është sekuestruar arma. /Top Channel
