reu i opozitës Sali Berisha ka paralajmëruar se kur të vijë në pushtet do të rishikojë procesin e Vettingut, një nga shtyllat kryesore të Reformës në Drejtësi, miratuar në 2016-ën. Edhe pse procesi i Vettingut ka përfunduar totalisht shkallën e parë të vlerësimit dhe është drejt përmbylljes edhe të ankimimeve në Komisionin e Posacëm të Apelimit, të dy faza të rëndësishme këto monitoruar nga partnerët ndërkombëtarë, kreu i Partisë Demokratike Sali Berisha deklaron se procesi duhet të rishikohet, duke hapur mundësinë e rikthimit në sistem për dhjetëra gjyqtarë dhe prokurorë të shkarkuar ndër vite.
“Garantoj se çdo gjykatës dhe prokuror që është larguar dhe që faktohet në mënyrë ligjore se është larguar pa meritë, është larguar për qëllime politike, do të marrë vendin e tij të nderuar një përputhje me një proces ligjor”, tha Berisha.
Që nga nisja e procesit të verifikimit në vitin 2018 janë kontrolluan më shumë se 800 gjyqtarë dhe prokurorë. Më shumë se 300 gjyqtarë, prokurorë dhe ndihmës ligjorë u shkarkuan nga sistemi i drejtësisë për shkak të problemeve me pasuritë, të lidhjeve të dyshimta me krimin apo se nuk ishin të aftë profesionalisht për të qenë në piramidën e drejtësisë.
Rreth 100 gjyqtarë dhe prokurorë dhanë dorëheqjen nga frika e Vetingut. Nga 300 të shkarkuarit, disa janë ende në proces ankimimi në Kolegjin e Posaçëm të Apelimit, pasi pretendojnë se janë penalizuar padrejtësisht nga shkalla e parë. Nga të shkarkuar në të dy shkallët, rreth 150 janë ankuar në Gjykatën e Strasburgut, e cila mbi 90 % të vendimeve të shkarkimit i ka konfirmuar si të drejta.
Duket si një sfidë disi e vështirë që ky proces të përmbyset. Megjithatë, Sali Berisha premton se Vetingu në drejtësi do të rishikohet kur të vijë në pushtet.
Po kush janë disa nga gjyqtarët dhe prokurorët e larguar nga veprimi i ligjit të Vetingut, të cilët kanë shpresë për t’u kthyer në drejtësi pas premtimit të Sali Berishës për rishikimin e procesit të pastrimit të drejtësisë?
Gjin Gjoni
Adriatik Llalla
Fatmira Hajdari
Arjana Fullani
Agron Zhukri
Alltun Çela
Xhezair Zaganjori
Shkëlzen Selimi
Besnik Imeraj
Mirela Fana
Petrit Fusha
Alaudin Malaj
Agim Bendo
Astrit Haxhialushi
Lazër Sallaku
Besim Hajdarmataj
Tom Ndreca
Rovena Gashi
Arjan Ndoja
Fatos Lulo
Admir Thanza
Entela Prifti
Ervin Metalla
Shefkie Demiraj
Evjeni Sinoimeri
Pajtime Fetah
Arjan Aliaj
Artan Gjermeni
Skënder Damini
