Presidenti i Venezuelës, Nicolas Maduro do të paraqitet sot (e hënë) në gjykatë në New York pas arrestimit të tij nga ushtria amerikane në një sulm që la të vrarë të paktën 32 kubanë.
Seanca dëgjimore do të mbahet përpara gjykatësit Alvin Hellerstein, tha Gjykata e Distriktit Jugor të New York.
Maduro përballet me akuzat për drogë dhe armë, një çështje që qeveria e ka ndjekur në gjykatë prej 15 vitesh dhe presidenti është konsideruar i pandehur prej 6 vitesh.
LEXO EDHE:
Donald Trump: Ne kemi nën kontroll Venezuelën! Edhe Kuba është gati të bjerë! Presidenti amerikan paralajmëron: Jemi gati për një mision në Kolumbi
Ai është ngarkuar me akuzat për “komplot narko-terrorizmi, importim kokaine, posedim armësh dhe pajisjesh shkatërruese dhe konspiracion për të poseduar armë dhe pajisje shkatërruese kundër SHBA-ve.”
Presidenti Trump i përmblodhi këto akuzat si “fushata e Maduro për narko-terrorizmin vdekjeprurës” kundër SHBA-ve dhe qytetarëve të tyre.
Maduro e ka mohuar më herët që të ketë qenë lider i një karteli droge.
Trump e ka quajtur edhe “diktator të paligjshëm” duke shtuar se i kërkoi liderit venezuelian që “të dorëzohej” një javë para sulmit.
Pam Bondi thotë se Maduro dhe gruaja e tij “do të përballen me tërbimin e drejtësisë amerikane në tokën amerikane, në gjykatat amerikane.”
Gjykatësi Hellerstein është marrë me çështjen për më shumë se një dekadë. 92-vjeçari është një gjykatës me shumë përvojë që është marrë me disa çështje të rëndësishme të profilit të lartë
