Në Qendrën Klinike Universitare të Kosovës, po dyshohet për paraqitjen e rastit të parë me koronavirus.
Pacienti i dyshuar me koronavirus ndodhet në Klinikën Infektive brenda QKUK-së. Për pak minuta do të mbahet një konferencë të jashtëzakonshme rreth këtij rasti.
Tashmë një total prej 724 kanë vdekur nga virusi dhe rreth 35 mijë janë infektuar, tha Komisioni Kombëtar i Shëndetësisë së Kinës. Shumica e të infektuarve të rinj janë regjistruar në provincën Hubei dhe kryeqytetin e saj, Wuhan. Javën e kaluar autoritetet përfunduan ndërtimin e një spitali të posaçëm në Wuhan ndërsa një tjetër pritet të hapet në ditët në vijim.
SHBA ka njoftuar se një 60-vjeçar amerikan ka vdekur nga virusi në spitalin e Wuhan, që shënon dhe vdekjen e parë të një të huaji nga epidemia.
Japonia gjithashtu ka njoftuar një vdekje të dyshuar si koronavirus përsëri në Vuhan, një burrë në të 60-at për të cilin mjekët nuk shpjeguan dot shkakun e pneumonisë.
Jashtë Kinës virusi ka infektuar 320 njerëz në 27 territore, dhe ka vrarë një kinez në Filipine e një 39 vjeçar në Hong Kong. Raste të reja po konfirmohen në Malajzi, Taivan e Japoni
