Sali Berisha dhe Ilir Meta duket se do të shkojnë drejt një partie të re. Gazeta e ka deklaruar herë pas herë se aleanca Meta-Berisha është e çeliktë, ndërkohë që nga dita në ditë po faktohet se kjo dyshe është mjaft e lidhur.
Duket se planet e tyre i’ua ka prishur Lulzim Basha, i cili i kapi në befasi, pasi përjashtoi Berishën dhe mbështetësit e tij nga Partia Demorkatike, ndërkohë që largoi nga koalicionin edhe Lëvizjen Socialiste për Integrim.
Vetë ish-kryeministri dhe ithtarët e tij u ngritën kundër Bashës, ku në shenjë revolte protestuan dhunshëm para selisë PD më 8 janar të këtij viti. Pavarësisht kaosit që krijuan dhe dhunës që ushtruan ndaj vëllezërve të tyre demokratë, misioni i tyre për të rrëzuar kryedemokratin Basha dhe uzurpuar godinë blu nuk u arrit.
Gjatë gjithë kësaj kohe ish-lideri demokrat dhe shumë mbështetës të tij, nuk e kanë pranuar dështimin dhe madje kanë hedhur akuza të forta në adresë të shefit të Partisë Demorkatike, duke e quajtur deputet dhe jo kryetar.
Për rrjedhojë dhe në kushtet kur nuk po e çanin dot barrikadën “Basha”, Sali Berisha u bashkua me LSI-në e Ilir Metës dhe vendosën të konkurrojnë në zgjedhjet e pjesshme lokale të 6 marsit nën një koalicion, të cilin e etiketuan “Shtëpia e Lirisë”.
Meta-Berisha drejt krijimit të partisë së re
Por ditët e fundit gjerat kanë ndryshuar dhe kemi një kthesë 360 gardë, për shkak se deputetë të përjashtuar nga PD që mbështesin Berishës, media pranë ish-kryeministrit dhe vetë ish-lideri demokrat, e kanë kuptuar që dështuan dhe po përgatisin terrenin për të krijuar një parti të re.
Sipas informacioneve, mësohet se shumë media të financuar nga klani “Berisha”, kanë filluar ta njohin Partinë Demorkatike si institucion, çka tregon se strategjia e tyre për të rrëzua Bashën ishte thjeshtë një ëndërr. Mësohet se mediat në fjalë, por edhe besnikë të Berishës, në diskursin e tyre dhe lajmet që bëjnë, PD-në e quajnë PD. Pra kjo do të thotë se pasi dështuan, ata po shikojnë mundësinë të qëndrojnë në politikë, duke lindur një subjekt të ri politik. Një nga mundësitë është një grupi i Berishës të shkrihet me LSI-në dhe të krijojnë një parti të re.
Ndërsa mundësia e dytë është krijimi i një subjekti të ri politike i udhëhequr nga binomi Meta-Berisha, në radhët e së cilës të atashohen të gjithë mbështetësit e LSI dhe Berishës. Megjithatë gjithçka do të vendoset pas zgjedhjeve të pjesshme lokale të 6 marsit, pasi janë pikërisht këto votimi, të cilat do të vendosin për fatin e dyshes Meta-Berisha. /Rigels Seliman
