Komentatori kosovar Andin Lokaj ka bërë një deklaratë të habitshme mbrëmjen e sotme, pak para nisjes së ndeshjes Kosovë-Angli dhe njëherazi Shqipëri-Islandë.
I ftuar në emisionin “Imazh” në RTK, ku dhe është i punësuar Lokaj ka thënë se nuk e do Shqipërinë por do vetëm Kosovën pasi ata tashmë kanë Kombëtaren e tyre.
“Unë nuk e dua Shqipërinë o vëlla, e dua Kosovën. Këto janë sene të babadimrit. Kosova e ka kombëtaren e vet, e ka shtetin e vet dhe e ka flamurin e vet”, deklaroi Andin Lokaj.
Në rrjet ka nisur të shpërndahet deklarata e tij, ndërsa fyerjet dhe sharjet kundër tij kanë qenë të shumta pasi e kanë konsideruar një deklaratë fyese pasi të gjithë jemi shqiptar. Nuk kuptohet shkaku i kësaj deklarate të gazetarit, por ajo përfshinë një gjuhë diferencuese mes dy vendeve dhe është e papranueshme.
