Kristian Shkreli kandidati fitues i Partisë Socialiste për bashkinë e Vaut të Dejës, del me deklaratë sqaruese lidhur me mos deklarimin në formularit të dekriminalizimit për një dëbim të bërë nga shteti italian rreth 16 vite më parë.
Sa i takon çështjes së formularit të dekriminalizimit Shkreli sqaron se në vitin 2007, ka qenë emigrant si shumë prej shqiptarëve me idenë për të krijuar një jetë më të mirë për vete dhe familjen.
Ai shton se është kthyer në Shqipëri si emigrant pa dokumente, ndërsa nënvizon se formulari i dekriminalizimit e ka të shkruar se nëse je kthyer për mungesë dokumentacioni, mund të mos e citosh dhe pas konsultave me avokatin e tij, vendosi të mos e deklarojë.
Policia e vendit fqinj në një kontroll rutinë në rrugë më ndaloi dhe verifikuan se jam një emigrant pa dokumentacione përkatëse dhe më ka kthyen në Shqipëri vetëm për këtë arsye, për mungesë dokumentacioni!
Edhe formulari i dekriminalizimit e ka të shkruar qartë se nëse je kthyer për mungesë dokumentacioni, mund të mos e citosh!
Pas konsultimeve me avokatin tim, vendosa ta shënoj në formularin e dekriminalizimit arsyen përse policia italiane më riktheu në Shqipëri 16 vite më parë.
Ndryshe nga para dy 2 vitesh, kur po garoja për deputet, unë nuk e pash të arsyeshme që t’a deklaroj duke qenë se “nuk është aspak një shkelje e ligjit”!
Dua të sqaroj çdo qytetar të Bashkisë Vau Dejës dhe mbarë vendit se unë, Kristian Shkreli jam i gatshëm për çdo hetim apo sqarim nga institucionet përkatëse pasi asnjëherë nuk kam qenë objekt i kryerjes së veprave penale!
Për çdo sulm politik për të njollosur figurën time, nuk do përtoj të kthej përgjigje sepse nuk kam asgjë për të fshehur!
Gati për këdo dhe kurdoherë! Institucionet i ftoj të bëjnë çdo verifikim të mundshëm ndërsa ne na pret një punë e madhe përpara për vijimin e transformimit të Vau Dejësit me projekte e investime të rëndësishme që do ta zhvillojnë si asnjëherë më parë këtë zonë dhe shërbime më të mira për qytetarët!
Ata të cilët kanë humbur rrugën e tyre i ftoj që të shohin se si Vau Dejësi do të shndërrohet në një qytet të përparuar dhe me një vizion bashkëkohor!
Na presin punë të mëdha ndaj edhe nuk mund të humbim kohë!
