Nga Besi Bekteshi
E fundit, por jo kaq e re është financimi i subjekteve politike nga pushteti i Putin. Nuk do kishte gjë më të sigurtë sa vetë politika se sa të thuash se “mua nuk më bën gjë as Amerika” e as të frysh idiotë politikë si militantë të thonë se ne fitojmë me Amerikën, e jo më me Ramën.
Për më tepër kur thonë “Amerika mbron komunistët” për të kuptuar se po sulmon një “ anti komunist” si Berisha. E kur proteston edhe Metaj ndaj “krimit” dhe “korrupsionit” duhet kuptuar, se ky ish President i bërë nga “krimi e korrupsioni” si i tillë, do të shpëtojë Shqipërinë.
Se Rama e ka bërë apo jo? Kur po thuhet se do shpëtojnë nga korrupsioni dhe krimi i Ramës me anën e “ndershmërisë” se Berishës dhe Metaj-t! Kur duhet të shpëtojmë demokracinë (si veprim i tyre) nga dy njerëzit që kanë gjatë 32 viteve që luajnë në demokracinë e shqiptarëve si ju ka dashur prapanica dhe interesi familjeve politike dhe personale të tyre?!
Kjo është dhe alternativa e Shqipërisë për të nesërmen e shqiptarëve përballë Ramës ose shefit të fundit politik të demokraturës absurde shqiptare. Por tipat në fjalë akoma nuk e perceptojnë mirë se me kë e kanë kruajtur! Ata duan të tregojnë se me Ramën, por kjo është dhe eufemizmi tyre më irracional dhe mbulesë e së vërtetës.
Dy kaçakët folklorikë të Shqipërisë që kanë bërë Presidentët dhe Kryeministra nuk e kanë kruajtur me Ramën. Ai nuk ju ka bërë dhe nuk ju bën asgjë. As ju ka marrë prona, as ju ka prishur lidershipe, as biznes as familje si pjesë funksionale të korrupsionit të tyre.
Asgjë, sepse nuk ka dashur dhe sepse mendon edhe veten. Por folklorikët e kanë kruajtur me SHBA dhe pjesët i interesit strategjik dhe politik të tyre në Shqipëri. E kanë kruajtur si koshient dhe jo koshient, me interesa shumë herë më të mëdha se folkpolitika tyre e fshatit si mentalitet personal që kanë.
E kanë kruajtur me institucione të mëdha politike dhe financiare që nuk mund të kruhet. SB dhe IM por dhe ER mbase as sot nuk e perceptojnë mirë ku shkon lartësia e pushteteve që nuk mund ta kruash. Gati gati nuk e dinte as….hahaha Putini!
SB dhe IM e dinë veten zotat politikë të shqiptarëve. Por nuk kanë venë re se kanë zakon shqiptarët kur ndërtojnë shtëpi të çojnë dhe nga një flamur amerikan. Nuk çojnë surretërit e folklorikëve kushdo qofshin ato. Ata e dinë tashmë, por fusin në lojë kot Ramën. Ai thjesht bën lojën e duhur të amerikanëve.
