Dhoma e ulët e Parlamentit të Çekisë ka votuar për të rrëzuar kërkesën e Gjykatës që kërkonte heqjen e imuniteti parlamentar për Kyreministrin dhe biznesmenin miliarder Andrej Babiš, duke penguar kështu përballjen e tij me drejtësinë në gjyqin që lidhet me dyshimin për mashtrim dhe përvetësishm fondesh nga një projekt subvencionesh nga Bashkimi Europian.
Babiš, lider i partisë populiste ANO, u rikthye në pushtet pasi fitoi zgjedhjet parlamentare në tetor të vitit të kaluar, pavarësisht akuzave që lidhen me një subvencion prej rreth 2 milionë eurosh të dhënë në vitin 2008. Sipas prokurorëve, subvencioni ishte përdorur për ndërtimin e një hoteli dhe qendre konferencash pranë Pragës të quajtur “Stork Nest”. Fondi ishte i destinuar për bizneset e vogla, ndërsa autoritetet dyshojnë se pronësia e kompanisë që përfitoi subvencionin ishte fshehur për të përmbushur kriteret.
Deputetët e partisë ANO dhe aleatët e koalicionit qeverisës – përfshirë partinë e ekstremit të djathtë dhe pro-ruse SPD, si dhe lëvizjen “Motorists” kundër politikave të Marrëveshjes së Gjelbër – votuan kundër heqjes së imunitetit parlamentar të Babiš. Sipas regjistrave të votimit, ky vendim e mbron atë nga ndjekja penale në këtë çështje deri në përfundimin e mandatit katërvjeçar të parlamentit në vitin 2029.
Babiš i ka mohuar vazhdimisht akuzat për korrupsion . Prokurorët pretendojnë se ai kishte fshehur pronësinë e kompanisë për të përfituar subvencionin që ishte i destinuar vetëm për ndërmarrje të vogla, dhe jo për konglomerate të mëdha si grupi i kompanive që ai zotëronte.
Kryeministri ka argumentuar gjithashtu se çështja është e motivuar politikisht dhe synon të dëmtojë aktivitetin e tij politik. “Sistemi i partive tradicionale e kuptoi se unë përfaqësoj një rrezik themelor për ta, sepse refuzova të vjedh dhe ata nuk mundën të më korruptonin,” tha ai në deklaraten e tij në parlament.
Andrej Babiš ka ndërtuar gjatë viteve një perandori biznesi me vlerë disa miliarda dollarë, që përfshin kompani në bujqësi, industri kimike, përpunim ushqimor, pasuri të paluajtshme dhe klinika fertiliteti në të gjithë Evropën.
Por një gjë është e sigurtë që shumica parlamentare greke asqë i mori në konsideratë akuzat e prokurorëve duke mos dhënë mandat për hetimin.
